کیا ہم کرونا سے صحت یاب ہو کر بھی کرونا کا شکار ہو سکتے ہیں؟

کرونا وائرس کا بھوت اس وقت اس دنیا کو اپنے خوف کے حصار میں لئے ہوئے ہے۔ ہزاروں لوگ اپنی جانوں سے گئے ہیں اور ابھی تک لاکھوں لوگ س سے متاثر ہو چکے ہیں ۔ ایسے میں ایک لاکھ سے زائد افراد اس موذی مرض سے صحت یاب بھی ہو چکے ہیں۔ لیکن سب کے ذہنوں میں سوال آتا ہے کہ جو افراد اس وائرس سے بچ کر صحت یاب ہوجاتے ہیں کیا وہ بھی اس کا دوبارہ شکار ہوسکتے ہیں؟

اس حوالے سے آنے والی خبریں کوئی زیاہ خوش کن نہیں ہیں۔ بی بی سی کے مطابق سائنسدان اس حوالے سے مخمصے کا شکار ہیں۔ کیوں کہ کرونا وائرس آج تک جتنے بھی وائرس علم میں آئے ہیں ان سے مختلف طور پر برتاؤ کر رہا ہے۔

جاپان میں ایک 70 سالہ شخص جو کہ کرونا کو شکست دینے میں کامیاب ہو کر صحت یاب ہوگیا تھا۔ وہ جلد ہی اس کا دوبارہ شکار ہوا جس نے سائنسدانوں کا حیران کردیا ہے۔

سائنسدانوں کا کہنا ہے کہ دیگر وائرس پر اگر جسم قابو پا لے تو بہت کم ہوتا ہے کہ اتنی جدی وہ وائرس پھر سے انسان کو متاثر کر سکیں لیکن اس حوالے سے اس وائرس کا ری ایکشن ریٹ بہت زیادہ ہے اور قوی امکان ہے کہ یہ دوبارہ انسانوں کو متاثر کرے۔ 

اس حوالے سے ماہرین کا کہنا ہے کہ تمام افراد جو اس وائرس سے صحتیاب ہوئے ہیں وہ اس سے احتیاط برتیں۔