ٹی ایل پی کے پرتشدد مظاہرین نے ''سام سنگ'' کمپنی پر توہین مذہب کا الزام لگا دیا، کراچی میں ہنگامہ آرائی

درجنوں مظاہرین نے جمعہ کے روز کراچی موبائل مارکیٹ میں سام سنگ کے بل بورڈز کو اس وقت توڑنا شروع کر دیا جب انہیں یہ یقین دلایا گیا کہ کمپنی نے ایک QR کوڈ متعارف کرایا ہے جو کسی طرح اسلام کی توہین کرتا ہے۔

https://twitter.com/Natsecjeff/status/1542813939150594048?s=20&t=FIASAHJc02Yd9W6KoUOYzw

مقامی صحافیوں کے مطابق تحریک لبیک پاکستان (ٹی ایل پی) کے کارکنوں نے مبینہ طور پر گستاخانہ QR کوڈ پر شہر کے کئی حصوں میں بل بورڈز کو اکھاڑ دیا ہے۔

https://twitter.com/Natsecjeff/status/1542814326586761217?s=20&t=FIASAHJc02Yd9W6KoUOYzw

تاہم ایک مقامی صحافی نے کہا کہ احتجاج اس وقت شروع ہوا جب سام سنگ کے ایک ملازم نے مبینہ طور پر اپنے وائی فائی ڈیوائس کے لیے توہین آمیز نام بتا دیا۔ پولیس نے ملزم کو گرفتار کر لیا ہے۔ پولیس کی جانب سے ابھی تک اس حوالے سے کوئی بیان نہیں دیا گیا ہے۔

https://twitter.com/Natsecjeff/status/1542829865686241280?s=20&t=FIASAHJc02Yd9W6KoUOYzw

خیال رہے کہ گذشتہ سال 2021ء میں بھی اسی طرح کا ایک معاملہ پیش آیا تھا جب ایک جنونی شخص نے الزام عائد کیا تھا کہ 7UP کے QR کوڈ پر بھی توہین آمیز کلمات درج ہے۔ مذکورہ شخص نے 7UP لے کر جانے والے ٹرک کو روکا اور ہجوم کے سامنے اعلان کیا تھا کہ وہ اسے جلا دے گا۔