ذرائع کے مطابق خیبرپختون خوا میں مزید 5 نئے پولیو وائرس کے کیسز سامنے آئے ہیں، بنوں میں 3 اور ضلع تورغر میں 2 بچوں میں پولیو وائرس کی تصدیق ہوگئی ہے۔
ذرائع کے مطابق ملک میں رواں برس پولیو کیسز کی مجموعی تعداد 37 ہوگئی ہے، خیبرپختون خوا سے 31 پولیو کے کیس سامنے آچکے ہیں جب کہ سندھ اور پنجاب سے 3،3 پولیو کے کیس سامنے آئے ہیں اورخیبر پختون خوا میں ایک ہی دن میں 5 پولیو وائرس کے کیسز سامنے آنے کا یہ دوسرا واقعہ ہے۔
واضح رہے 28 جون کو خیبرپختون خوا میں پولیو وائرس کے 5 نئے کیسز سامنے آئے تھے، بنوں اور تورغر سے 2،2 جب کہ شمالی وزیرستان سے ایک کیس کی شناخت ہوئی تھی۔