میڈیا رپورٹس کے مطابق یہ واقعہ لاہور کے علاقے غازی آباد میں پیش آیا۔ پولیس نے ملزم کے خلاف مقدمہ درج کرکے معاملے کی تفتیش شروع کر دی ہے۔
پولیس کے مطابق غازی آباد کی رہائشی خاتون نے درخواست دی تھی کہ اسے علاقے کے معروف پیر عاررف بابا نے زیادتی کا نشانہ بنایا ہے۔
خاتون کی درخواست پر تھانہ غازی آباد کی پولیس نے فوری کارروائی کرتے ہوئے جعلی پیر کو مبینہ زیادتی کے الزام میں گرفتار کر لیا ہے۔
ایس پی کینٹ عیسٰی سکھیرا کا کیس کی تفصیلات بتاتے ہوئے کہنا تھا کہ خاتون نے الزام عائد کیا ہے کہ وہ ملزم کے پاس تعویز لینے آئی تو اس نے اسے زیادتی کا نشانہ بنا دیا۔ متاثرہ خاتون کی درخواست پر جعلی پیر کے خلاف زیادتی کا مقدمہ درج کر کے قانونی کارروائی کا آغاز کر دیا گیا ہے۔