بالی ووڈ اداکارہ مادھوری ڈکشٹ جیسا لائف اسٹائل کون نہیں چاہتا؟ لیکن ایک عام آدمی کے لیے یہ تصور کرنا بھی مشکل ہے کہ اداکارہ اس طرز زندگی کے لیے کتنی رقم خرچ کرتی ہیں۔
اداکارہ جس اپارٹمنٹ میں کرائے پر رہتی ہیں اس کی قیمت جان کر سب کے ہوش اڑ جائیں گے۔ اتنی قیمت کے لیے، آپ چھوٹے فلیٹ کے لیے ڈاؤن پیمنٹ ادا کر سکتے ہیں۔
یہ اپارٹمنٹ مادھوری ڈکشٹ نے اگلے 3 سال کے لیے کرائے پر لیا ہے۔ اداکارہ نے اس اپارٹمنٹ کے لیے 3 کروڑ روپے جمع کرائے ہیں اور ہر ماہ انہیں اس اپارٹمنٹ کے لیے 12.5 لاکھ روپے ادا کرنے ہوں گے۔
ظاہر ہے کہ ایک عام آدمی کے لیے اتنی قیمت پر مکان کرائے پر لینے کا تصور بھی ناممکن ہے۔ لیکن پہلے یہ جان لیں کہ اس اپارٹمنٹ کی خصوصیات کیا ہیں؟ 29ویں منزل پر مادھوری ڈکشٹ کا یہ اپارٹمنٹ 5500 مربع فٹ کے رقبے پر پھیلا ہوا ہے۔ مادھوری ڈکشٹ کے اس پرتعیش فلیٹ میں 3 کمرے اور خوبصورت لابی اور بالکونی ہے۔
خیال رہے کہ مادھوری ڈکشٹ اب بڑے پردے پر کم ہی نظر آتی ہیں۔ وہ چھوٹے پردے پر بہت سے رئیلٹی شوز جج کرتی ہیں اور ساتھ ہی ساتھ اپنے بیٹے کے ساتھ کلاسیکی رقص کی مشق بھی کرتی ہیں۔
آپ کو بتاتے چلیں کہ مادھوری ڈکشٹ کی فلمیں ایک وقت میں باکس آفس پر راج کرتی رہی ہیں۔ مادھوری ڈکشٹ کا نام 90 کی دہائی کی سپر ہٹ اداکاراؤں میں شمار ہوتا ہے۔
