Sun, April 28, 2024

گھر میں راشن موجود ہے 15 دن نکل جائیں گے، مستحق خاتون کا مزید راشن لینے سے انکار

گھر میں راشن موجود ہے 15 دن نکل جائیں گے، مستحق خاتون کا مزید راشن لینے سے انکار
شیئر کریں:
گھر میں راشن موجود ہے 15 دن نکل جائیں گے، یہ کہہ کر راشن لینے سے انکار کرنے والی مستحق خاتون کی ویڈیو سوشل میڈیا پر وائرل ہوگئی۔

تفصیلات کے مطابق کرونا وائرس کی وجہ سے جاری لاک ڈاؤن کے باعث دیہاڑی دار طبقے کے افراد شدید متاثر ہوئے ہیں، جو روزانہ چند سو روپے کما کر گزارا کرتے ہیں۔ ایسے میں حکومتی امداد پہنچنے سے قبل ہی مخیر حضرات مستحق افراد کی مدد کے لیے میدان میں آ گئے ہیں۔ صاحب استطاعت اور درد دل رکھنے والے شہری اپنے ہم وطنوں کی مشکلات کا ازالہ کرنے کے لیے میدان عمل میں ہیں اور اپنے وسائل کے مطابق ضرورت مندوں کی مدد کر رہے ہیں۔

ایسے میں انٹرنیٹ پر بھارتی پنجاب کی ایک ویڈیو وائرل ہو رہی ہے جس میں ایک مستحق خاتون امدادی راشن لینے سے انکار کر رہی ہے۔ 

چند مخیر حضرات جب اس خاتون کو راشن دینے آئے تو خاتون نے کہا کہ میرے گھر 15 دن کا راشن موجود ہے یہ نہیں لے سکتی، خاتون کا کہنا تھا کہ 15 دن بعد جب راشن ختم ہوا تو پھر دیکھیں گے۔



 
ٹیگز: راشن کی تقسیم, کرونا وائرس, مخیر حضرات

نیا دور