'دہشتگردی کےخلاف اپنا دفاع کرنا پاکستان کا حق ہے'

08:30 AM, 4 Jan, 2023

نیا دور
امریکا نے دہشت گردی کے خلاف بھرپور دفاع کرنے کی حمایت کرتے ہوئے کہا کہ پاکستان نیشنل سکیورٹی کے بیانات سے واقف ہیں۔ دہشت گردی کے خلاف دفاع کرنا پاکستان کا حق ہے۔ افغانستان دہشت گردی کا آلۂ کار نہ بنے۔

امریکی محکمۂ خارجہ کے ترجمان نیڈ پرائس نے اپنے ایک بیان میں کہا کہ افغانستان کو دہشت گردی کا لانچنگ پیڈ نہیں بننا چاہئے۔ پاکستانی عوام نے دہشت گردی سے شدید نقصان اٹھایا۔ پاکستان کا حق ہے کہ وہ اپنا دفاع کرے۔

ترجمان امریکی محکمۂ خارجہ نیڈ پرائس نے کہا کہ پاکستان نیشنل سکیورٹی کے بیانات سے واقف ہیں۔ افغانستان کی طالبان حکومت یقینی بنائے کہ دہشت گرد افغان سرزمین استعمال نہ کرسکیں۔

ترجمان امریکی محکمۂ خارجہ نے کہا کہ جائزہ لے رہے ہیں کہ طالبان کے فیصلوں کے خلاف کیا اقدامات کیے جا سکتے ہیں، افغان عوام کی بہتری کیلئے پر عزم ہیں۔افغانستان میں صورتحال کوقریب سے مانیٹرکر رہے ہیں۔افغانستان میں این جی اوز خاص طور پر خواتین کو کام کی اجازت دینی چاہیے۔

انہوں نے مزید کہا کہ افغان طالبان اپنے وعدے پورے نہیں کر رہے۔ امریکہ اور اتحادی طالبان کے فیصلوں پر رد عمل دیں گے۔جی سیون اور دیگر ممالک بھی تشویش کا اظہار کر چکے ہیں۔
مزیدخبریں