میں نے انتہائی شرمناک ویڈیوز دیکھ لیں، عامر لیاقت نے نیا پینڈورا باکس کھول دیا

عامر لیاقت حسین نے کہا ہے کہ میں نے آرمی چیف جنرل قمر جاوید باجوہ کو ہٹانے یا فوج میں بغاوت کرانے کیلئے عمران خان کو مینڈیٹ نہیں دیا تھا۔ میرے پاس ایک ایک ثبوت ہے۔ میں نے جس درد کے ساتھ دو تین آڈیوز اور ویڈیوز کو دیکھا ہے۔ وہ اتنی شرمناک، افسوسناک اور دردناک ہیں کہ میرا آج اپنی قسمت پر سر پیٹنے پر جی کرتا ہے۔

اپنے ویڈیو بیان میں ان کا کہنا تھا کہ عمران خان صاحب نے طاقت کے نشے میں اندھے ہو کر آئین کو پامال کیا۔ تحریک عدم اعتماد پیش ہونے کے بعد وزیراعظم کسی بھی صورت قومی اسمبلی کو نہیں توڑ سکتا۔

https://twitter.com/AamirLiaquat/status/1511404193512259585?s=20&t=enS44HsvvGyn54QbE5v9fw

ان کا کہنا تھا کہ اس میں ایک اور بات خطرناک ہے کہ قاسم سوری پی ٹی آئی بلوچستان کا صدر ہے۔ اس نے بطور اس عہدے کے قومی اسمبلی کی رولنگ دی بطور ڈپٹی سپیکر کے نہیں۔ کبھی بھی سپیکر اور ڈپٹی سپیکر کے عہدے پارٹی عہدوں کیساتھ نہیں ہوتے۔ میں عدالت سے کہتا ہوں کہ اس بات کو نوٹ کرلیں۔

عامر لیاقت نے عمران خان کو مخاطب کرتے ہوئے کہا کہ خان صاحب میں منحرف نہیں تھا اور نہ ہی ہوں۔ آپ کے لوگوں نے مجھے لوٹا کہا، میں ان کی ''ٹوٹیاں'' مروڑ دوں گا۔

انہوں نے اس موقع پر اپنے سابق لیڈر عمران خان کیلئے ایک شعر پڑھا کہ
مانا ہماری ذات میں سو عیب ہیں مگر
بکتے نہیں خدا کی قسم ہم فقیر لوگ

عمران خان کو مخاطب کرتے ہوئے ان کا کہنا تھا کہ کیا دیدیں گے آپ مجھے اور یہ لوگ۔ کیا میں کوئی بکنے والا انسان ہوں۔ میری کوئی قیمت نہیں۔ آپ تو میرا ہاتھ پکڑ کر مجھے پی ٹی آئی میں شامل کرانے لائے تھے۔

یہ بھی پڑھیں: عمران خان تمہارا باپ بھی جنرل باجوہ کو عہدے سے ہٹا نہیں سکتا، ہمت ہے تو ایسا کرکے دکھائو: عامر لیاقت کا چیلنج

اس سے قبل ٹویٹر پر جاری عمران خان کے نام اپنے ویڈیو پیغام میں عامر لیاقت حسین کا کہنا تھا کہ خان صاحب میں آپ کو بتانا چاہتا ہوں کہ آپ نے اراکین قومی اسمبلی کو غدار قرار دیدیا ہے۔ میں آپ کو بتانا چاہتا ہوں کہ ہم میں سے کوئی بھی غدار نہیں ہے۔

عامر لیاقت حسین کا کہنا تھا کہ مجھے تو دل کی تکلیف تھی، میں تو ووٹنگ کے عمل میں شرکت کیلئے قومی اسمبلی کے اجلاس میں شریک ہی نہیں ہو سکا لیکن اس کے باوجود آپ نے مجھ کو بھی غدار قرار دیدیا۔

انہوں نے عمران خان کو ”غدار” قرار دیتے ہوئے کہا کہ کل تک میں تمہارے ساتھ تھا لیکن اب میں تمہارے خلاف ووٹ دوں گا۔ میں آج ان کیساتھ کھڑا ہوں جو لوگ غدار نہیں ہیں۔

سابق رکن قومی اسمبلی نے الزام عائد کیا کہ عمران خان تم نے آرمی چیف جنرل قمر جاوید باجوہ کو عہدے سے ہٹانے کوشش کی۔ میں اس بات کا گواہ ہوں کہ تم نے مجھے بلا کر یہ بات کی تھی اور کہا تھا کہ میں جنرل باجوہ کو ہٹانے والا ہوں۔

عامر لیاقت نے کہا کہ میں عمران خان تمہاری اور بھی بہت سی باتیں جانتا ہوں، جنھیں اگر میں نے بتا دیا تو بڑی قیامت آ جائے گی۔ میں چپ بیٹھا ہوں لیکن تمہاری طرح نہیں ہوں جو ٹیلی وژن پر آ کر راز کھولتا پھرے۔

https://twitter.com/AamirLiaquat/status/1511365126112563203?ref_src=twsrc%5Etfw%7Ctwcamp%5Etweetembed%7Ctwterm%5E1511365126112563203%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F83951%2Faamir-liaquat-imran-khan-gen-bajwa-asif-zardari-establishment%2F

انہوں نے کہا کہ میں تمہاری طرح نہیں ہوں جو جعلی خط لہرا لہرا کر جھوٹے الزام عائد کرتا ہے۔ یہ خط جعلی ہے جو امریکا میں تعینات سفیر اسد سے لکھوایا گیا۔ اس سازش میں شاہ محمود قریشی بھی شریک تھے۔

ان کا کہنا تھا کہ تم نے فوج میں بغاوت کرانے کی کوشش کی۔ تم نے کوشش کی کہ ایک کور کمانڈر کو لا کر آرمی چیف جنرل قمر جاوید باجوہ کو عہدے سے ہٹا دو۔ ہٹا کر دکھائو، تمہارا باپ بھی ان کو نہیں ہٹا سکتا۔

عامر لیاقت حسین نے سخت غصے میں بنائی گئی اپنی ویڈیو میں کہا کہ ایوان صدر میں جو دندان ساز بیٹھا ہوا ہے، اس سے کہو کہ الٹے سیدھے احکامات جاری کرنا چھوڑ دے۔ میں آج خاص طور پر بات کہنا چاہتا ہوں کہ جس کی سیاست کو ہم ہمیشہ برا بھلا کہتے رہے، وہ سیاست کی سب سے بڑی بیماری نہیں بلکہ آصف علی زرداری سب سے بڑی بیداری بن کر سامنے آیا ہے۔