سماجی رابطے کی ویب سائٹ ٹویٹر پر ٹویٹ کرتے ہوئے خلیل الرحمان قمر نے کہا کہ سنتھیا رچی می ٹو کا تماشہ بند کرو۔ اگر آپ 9 سال قبل ریپ کا شکار ہوئیں تو اس کا اظہار اب کیوں کیا جا رہا ہے؟ کیا اب آپ حاملہ ہو گئی ہیں؟
Stop this Me 2 tamasha Ms @CynthiaDRitchie
If u were raped some 9 years ago what makes u disclose it today ?
Do u feel pregnant now ???
— Khalil Ur Rehman Qamar (@KrqOfficial) June 6, 2020
ایک اور ٹویٹ میں خلیل الرحمان نے کہا کہ مجھے خوشی ہو گی اگر پی ٹی آئی کی سوشل میڈیا ٹیم سنتھیا رچی کی حمایت نہ کرے۔ ایسے غیر ملکی عناصر کی فوری طور پر حوصلہ شکنی کی جانی چاہیے۔
I'll appreciate if pti social media doesn't support mischievous Cynthia D Ritchie
Such foreign elements with ulterior designs must be immediately discouraged
— Khalil Ur Rehman Qamar (@KrqOfficial) June 6, 2020
واضح رہے کہ پاکستان میں مقیم امریکی خاتون نے اپنی ایک ویڈیو میں پیپلز پارٹی کی قیادت پر الزام عائد کرتے ہوئے کہا ہے کہ سابق وزیر داخلہ رحمان ملک نے ان کے ساتھ جنسی زیادتی کی جبکہ سابق وزیراعظم یوسف رضا گیلانی اور سابق وفاقی وزیر مخدوم شہاب الدین نے ان کے ساتھ دست درازی کی۔ الزام کے مطابق انہوں نے یہ سب اس خاتون کے ساتھ تب کیا جب وہ ملک کے اہم ترین عہدوں پر فائز تھے۔
پیپلز پارٹی کی اعلیٰ قیادت کے خلاف سنگین الزامات کی بوچھاڑ کرنے والی اس امریکی خاتون سنتھیا رچی نے اپنی توپوں کو رخ ن لیگ کی جانب کرنے کا اعلان بھی کیا ہے۔ رچی نے کہا ہے کہ فکر نہ کریں، ن لیگ کو بھی نہیں چھوڑوں گی، اگلی باری ان کی ہے۔
سنتھیا رچی کون ہیں کہاں سے آئی ہیں کرتی کیا ہیں یہ شاید بیشتر پاکستانی نہیں جانتے تاہم حیران کن امر یہ ہے کہ اس پراسرار کردار نے پاکستانی سیاسی افق پر ایسی تھرتھلی بپا کی ہے کہ پوری قوم کی توجہ انکی جانب مبذول کرا دی گئی ہے۔