جمائما کا مفتی کفایت اللہ کے بیان پر ردعمل

مفتی کفایت اللہ کے عمران خان اور جمائما پر الزام اور وکی لیکس کے بانی سے متعلق لاعلمی پر وزیراعظم پاکستان کی سابقہ اہلیہ جمائما گولڈ اسمتھ نے رہنما جے یو آئی پر طنز کے تیر چلا دیے ۔

مفتی کفایت اللہ نے ایک پروگرام میں وکی لیکس کوباربار "وکی یا لیکس "جاری کرنے والا کردار کہہ کر مخاطب کیا تھا۔

اس پر جمائما نے سوشل میڈیا پر لکھا کہ "بقول ایک عالم جمائما کا ایک کزن وکی ہے جس نے وکی لیکس جاری کیں۔۔۔ وہ صیہونیوں کا ایجنٹ ہے اور ان کا ایجنڈا پورا کرنے کےلیے عمران خان کی مدد کررہا ہے ۔ "

https://twitter.com/Jemima_Khan/status/1192124219246690304?s=20

ایک اور ٹویٹ میں جمائما نے کہا کہ "دیکھتے ہیں کب اُنھیں میرے دوسرے کزنز پاناما لیکس اور وکی پیڈیا کے بارے میں پتا چلتا ہے ۔ "

https://twitter.com/Jemima_Khan/status/1192085784746172416?s=20

جمائما کی ٹویٹ پر دیگر صارفین بھی میدان میں کود پڑے۔ ایک صارف نے لکھا کہ اگر آکسفورڈ یونی ورسٹی سے تعلیم یافتہ عمران خان جرمنی اور جاپان کی سرحدیں ملا سکتے ہیں تو ایک مذہبی رہنما کے ایک وکی کو کوئی اور وکی سمجھنے پررائے دینا ٹھیک نہیں ۔