ذرائع نے انکشاف کیا ہے کہ قومی ٹیم کے کپتان بابراعظم ٹی ٹونٹی سکواڈ کے انتخاب سے خوش نہیں ہیں، کپتان کو اعظم خان اور صہیب مقصود کی ٹی ٹونٹی ورلڈ کپ ٹیم میں شمولیت پر اعتماد میں نہیں لیا گیا۔
ذرائع کے مطابق چیف سلیکٹر محمد وسیم نے متوقع چیئرمین رمیز راجہ سے مشاورت کے بعد ان دونوں کھلاڑیوں کو سکواڈ میں شامل کرلیا جب کہ بابراعظم فہیم اشرف ،شرجیل خان،عثمان قادر اور فخر زمان کو سکواڈ میں شامل کرنے کے حامی تھے۔
ذرائع کا کہنا ہے کہ کھلاڑیوں کی سلیکشن کے حوالے سے بابراعظم نے رمیز راجہ کو دو مرتبہ فون کیا، رمیز راجہ نے کپتان کی بات ضرور سنی لیکن انہیں پیغام دیا گیا کہ زیادہ فوکس کھیل پر رکھیں، کھلاڑیوں کو ان آؤٹ کروانے پر توجہ کم کریں۔ ذرائع کے مطابق بابراعظم نے رمیز راجہ کے بنائے سکواڈ پر ساتھی کھلاڑیوں سے گلہ بھی کیا ہے۔