وزیراعظم عمران خان نے فرانس سے تعلقات ختم کرنےکے معاملے پر مسلم امہ سے مشاورت کا فیصلہ کیا ہے اور اس سلسلے میں وزیر خارجہ شاہ محمود قریشی کو اسلامی ممالک سے رابطوں کا ٹاسک سونپ دیا ہے۔
وزیر خارجہ شاہ محمود قریشی اسلامی تعاون تنظیم (او آئی سی) ممالک سے رابطوں کے بعد وفاقی کابینہ کو آگاہ کریں گے۔
گستاخانہ خاکوں کے معاملے پر فرانس سے تعلقات منقطع کرنے کیلئے اسلام آبادہائیکورٹ میں دائر درخواست پر عدالت نے معاملہ کابینہ اجلاس میں زیر بحث لانے کی ہدایت کی تھی۔ عدالت نےعملدرآمد رپورٹ کل طلب کررکھی ہے۔