نیا دور ذرائع کے مطابق میڈیا چینلز پر چلنے والی خبروں کے برعکس پیپلز پارٹی اور مسلم لیگ ن کی اعلیٰ قیادت نے حکمران جماعت کے خلاف ایک ہی صفحے پر ہونے کا اعلان کیا ہے۔
ذرائع نے بتایا کہ آج پاکستان پیپلز پارٹی کے چئیر پرسن بلاول بھٹو اور مسلم لیگ ن کے صدر شہباز شریف کے درمیان ٹیلی فونک گفتگو ہوئی۔
دونوں جماعتوں کی اعلیٰ قیادت کے قریبی ذرائع نے نیا دور کو کنفرم کیا کہ اب پیپلز پارٹی اور مسلم لیگ ن کی قیادت حکمران عمران خان کے خلاف ایک ہی صفحے پر ہیں۔
نیا دور سے بات کرتے ہوئے دنوں سیاسی جماعتوں کی سینئر قیادت نے بھی اس خبر کی تصدیق کی۔