Type to search

خبریں سیاست فيچرڈ

پاکستان کا جوہری ہتھیار استعمال کرنے کا خطرہ

پاکستان معاشی مشکلات کا شکار، جنگ ہوئی تو کچھ بھی ہو سکتا ہے، وزیراعلیٰ مشرقی پنجاب امریندر سنگھ نے خبردار کر دیا

انڈین پنجاب کے وزیراعلیٰ امریندر سنگھ نے خبردار کیا ہے کہ پاکستان نے اگر انڈیا کے ساتھ روایتی جنگ میں شکست کا خطرہ محسوس کیا تو وہ جوہری ہتھیار استعمال کرنے سے قطعاً  گریز نہیں کرے گا۔

انہوں نے کہا کہ یہ دونوں ملکوں کے مفاد میں نہیں ہے کہ وہ بڑے پیمانے پر تباہی پھیلانے والے ہتھیار استعمال کریں لیکن پاکستان سے کچھ بعید نہیں۔

صحافیوں سے غیر رسمی بات چیت کرتے ہوئے امریندر سنگھ نے کہا کہ پلوامہ میں دہشت گردی کے بعد انڈین ایئر فورس کے فضائی حملوں سے یہ معاملہ حل ہو گیا تھا، تاہم انہوں نے فضائی حملوں میں ہونے والی ہلاکتوں کی تعداد کے بارے میں کوئی بھی تبصرہ کرنے سے انکار کردیا۔

انہوں نے کہا:’’اگر ہلاکتوں کی تعداد ایک ہو یا ایک سو، پاکستان کو یہ پیغام جا چکا ہے کہ انڈیا اپنے سپاہیوں اور شہریوں کے خلاف دہشت گردی کی کارروائیاں قطعاً برداشت نہیں کرے گا۔‘‘

امریندر سنگھ نے کہا کہ پاکستان ان دنوں بدترین معاشی مشکلات کا شکار ہے اور بھیک مانگتا پھر رہا ہے، اس وقت اس کی بقاء اسلامی ملکوں کی امداد پر ہے۔ انہی وجوہ کے باعث وہ انڈیا کے ساتھ بڑے پیمانے پر جنگ نہیں لڑ سکتا۔

Tags:

Leave a Comment

Your email address will not be published. Required fields are marked *