واشنگٹن میں صورتحال اس وقت دہشت زدہ وگئی جب امریکی صدر ڈونلڈ ٹرمپ کی بریفنگ کے دوران وائٹ ہاؤس کے باہر سیکریٹ سروس گارڈز نے مسلح شخص کو گولی مار دی۔ اور آنے والی فائرنگ کی آواز براہ راست تمام ٹی وی چینلز کے ذریعئے دنیا بھر میں نشر کی گئی۔
اس حوالے سے صدر ٹرمپ کو بریفنگ کے دوران آگاہ کیا گیا جس کے بعد وہ بریفنگ چھوڑ کر چلے گئے۔
چند منٹ بعد صدر ٹرمپ پریس کانفرنس کےلیے دوبارہ آئے اور کہا کہ وہ فائرنگ سے زخمی شخص کو نہیں جانتے نہ اس کے مقصد کے بارے میں علم ہے، جہاں تک وہ سمجھتے ہیں گرفتار شخص مسلح تھا، واقعہ وائٹ ہاوس کے احاطے کے باہر پیش آیا یہ سیکیورٹی کی ناکامی نہیں ہے۔
میڈیا رپورٹس کے مطابق مشتبہ شخص کو زخمی حالت میں اسپتال منتقل کردیا گیا ہے