Type to search

بڑی خبر خبریں دہشت گردی فيچرڈ

بیلجیئم، برسلز میں یورپی یونین کے ہیڈ کوارٹرز کے قریب بم کی اطلاع

بیلجیئم کے دارالحکومت برسلز میں یورپی یونین کے ہیڈکوارٹرز سے متصل ایک کمپنی میں بم کی موجودگی کی اطلاع کے بعد صورت حال سنگین رُخ اختیار کر گئی۔

قانون نافذ کرنے والے اداروں نے موقع پر پہنچ کر عمارت کو عملے سے خالی کروا لیا اور اطراف کی سڑکیں آمد و رفت کے لیے بند کر دی گئیں۔

ذرائع ابلاغ کے اداروں کے مطابق، یورپی یونین کا ہیڈکوارٹر مذکورہ کمپنی سے زیادہ دوری پر نہیں ہے۔

پولیس کے مطابق، فون پر بم کی موجودگی کی اطلاع ملنے پر عمارت میں موجود 40 افراد کو فوری طور پر نکال لیا گیا۔

پولیس حکام نے کہا ہے، ہم نے اطراف کی سڑکیں  نقل و حرکت کے لیے بند کر دی تھیں اور دھماکہ خیز مواد کی تلاشی شروع کر دی تھی۔

حکام کے مطابق، کمپنی کے علاوہ اطراف کی تمام سڑکوں کی تلاشی بھی لی گئی ہے جس کے بعد انہیں آمدورفت کے لیے جزوی طور پر کھول دیا گیا ہے۔

حکام کے مطابق، مذکورہ کمپنی یورپی یونین کے ایگزیکٹو کمیشن کے لیے بطور کنسلٹنٹ کام کرتی ہے تاہم کمپنی کا نام افشاء کرنے سے گریز کیا گیا ہے۔

 

Tags:

Leave a Comment

Your email address will not be published. Required fields are marked *