سیر و تفریح آپ کے لئے کبھی کبھار زندگی بھر کی محرومی دے جانے والا خوفناک تجربہ بن جاتا ہے۔ ایسا ہی کچھ گزشتہ دنوں ہوا برازیل کے ساحل پر جہاں ایک خونخوار شارک مچھلی نے ساحل سمندر پر نہاتے نوجوان پر حملہ کرتے ہوئے اسے مردانہ عضوخاص سے محروم کردیا۔ انگریزی جریدے دی مرر کے مطابق حملے کا نشانہ بننے والا نوعمر لڑکا اپنے بھائی اور دوستوں کے ساتھ برازیل میں ساحل کے قریب تیراکی کررہا تھا کہ جب ایک شارک نے اس پر حملہ کردیا۔
جائے حادثہ پر موجود لائف گارڈ گارڈ سے ملی تفصیلات کے مطابق اس ساحل میں خطرناک ٹائگر شارک پائی جاتی ہے۔ اس نے شارک کو لڑکوں کی جانب بڑھتے دیکھا اور انہیں خبردار کیا لیکن اسی دوران شارک نےڈی سلوا نامی 18 سالہ متاثرہ لڑکے پر حملہ کردیا۔ شارک نےاسکے عضو خاص کو نشانہ بنایا۔ خون میں لت پت متاثرہ لڑکے کو حملے کے فوراً بعد پانی سے نکالا گیا۔
اس دلخراش واقعے کی ویڈیو بھی سامنے آچکی ہے جس میں متاثرہ لڑکے کو دیکھا جاسکتا ہے جس کے گرد لوگ جمع ہیں۔