لاہور میں قومی پرچم اتار کر پی ٹی آئی کے جھنڈے لگا دئیے گئے، سوشل میڈیا صارفین کی تنقید

لاہور میں یوم آزادی کی مناسبت سے لگائے گئے قومی پرچم اتار کر پی ٹی آئی کے پارٹی پرچم لگا دئیے گئے جن کی ویڈیوز سوشل میڈیا پر وائرل ہو رہی ہیں۔

تفصیلات کے مطابق مختلف شہریوں کی جانب سے بنائی گئی ویڈیوز میں دیکھا جاسکتا ہے کہ ضلعی انتظامیہ کے کچھ لوگ شہر کے بڑے پولز پر لگے پاکستان کے پرچم اتار کر اس کی جگہ پی ٹی آئی کے پرچم لگا رہے ہیں۔

اس اقدام کے بعد سوشل میڈیا صارفین کی بڑی تعداد کی جانب سے شدید غم و غصے کا اظہار کیا جارہا ہے۔

سوشل میڈیا صارفین کی بڑی تعداد نے اس عمل کو قومی پرچم کی بے حرمتی سے تعبیر کیا ہے اسی لئے ٹویٹر پر #توہین_پرچم_نامنظور کا ٹرینڈ چلایا جارہا ہے۔

https://twitter.com/HamzaAzhrSalam/status/1558368891704844288

https://twitter.com/saadify/status/1558388797502537729

https://twitter.com/nannhos/status/1558390113956143105

https://twitter.com/ZeshanMalick/status/1558367249949401088

https://twitter.com/farooq863/status/1558369080964423680

https://twitter.com/laibaaqayyum/status/1558398912641253377

https://twitter.com/mahwishzafar7/status/1558365238961078272

دوسری جانب مسلم لیگ ن کے رہنما اور وزیر دفاع خواجہ محمد آصف کا کہنا ہے کہ لاہورمیں 14 اگست سے ایک دن پہلے قومی پرچم اتار کے عمران کا جھنڈا لہرایا جا رہا ہے۔

سماجی رابطے کی سائٹ ٹوئٹر پر جاری اپنے بیان میں خواجہ محمد آصف نے کہا کہ کیا آزادی کے 75 سال بعد شخصی غلامی کا دور شروع ہو رہا ہے؟

انہوں نے کہا کہ اگر یہ خیبرپختون خوا، بلوچستان، سندھ میں ہو رہا ہوتا تو غداری کے فتوے کا سیلاب آ جاتا۔ خواجہ آصف کا کہنا ہے کہ پی ٹی آئی چیئرمین عمران خان کا اصلی چہرہ سامنے آرہا ہے۔

https://twitter.com/KhawajaMAsif/status/1558382795466096641
خیال رہے کہ آج پی ٹی آئی کی جانب سے ہاکی گراؤنڈ میں جلسہ کیا جارہا ہے۔ ہاکی کے سینئر کھلاڑیوں کی جانب سے اس خدشے کا اظہار کیا جارہا تھا کہ ہاکی گراؤنڈ میں جلسہ کرنے سے گراؤنڈ میں موجود ٹرف کو بھی نقصان پہنچے گا۔ پاکستان میں پہلے ہاکی گراؤنڈز نہ ہونے کے برابر ہیں ایسے میں سیاسی پارٹی کا جلسہ وہاں منعقد کرنے سے رہا سہا ہاکی گراؤنڈ بھی ختم ہو جائے گا۔