Type to search

خبریں سیاست فيچرڈ

قومی ایکشن پلان پر بریفنگ، اپوزیشن جماعتوں کے بائیکاٹ کا امکان

اپوزیشن جماعتوں کی جانب سے پارلیمان میں قومی ایکشن پلان پر حکومتی بریفنگ کے بائیکاٹ کا امکان ظاہر کیا جا رہا ہے۔

روزنامہ ڈان کی ایک رپورٹ کے مطابق، حکومت دو مئی کو قومی ایکشن پلان کے تحت اپنے نئے اقدامات سے پارلیمانی رہنمائوں کو آگاہ کرے گی۔

اپوزیشن کی اہم سیاسی جماعتوں کے رہنمائوں کا کہنا ہے کہ انہوں نے 28 مارچ کو ہونے والے اجلاس کا بھی بائیکاٹ کیا تھا۔

انہوں نے کہا، وہ اپنے سابقہ موَقف پر قائم ہیں کہ یہ بریفنگ ایوان میں ہونی چاہئے اور وہ اپنے اس موَقف  سے کسی طور بھی پیچھے ہٹنے پر تیار نہیں ہیں۔

ان کا مزید کہنا تھا، حکومت نے دو مئی کو ہونے والی قومی ایکشن پلان پر بریفنگ کے لیے ان سے باضابطہ طور پر کوئی رابطہ نہیں کیا جس کے باعث یہ امکان نہیں ہے کہ اپوزیشن جماعتوں کے موَقف میں کوئی تبدیلی آئے گی۔

یاد رہے کہ قومی ایکشن پلان کی 28 مارچ کو ہونے والی بربفنگ کے لیے وزیرخارجہ شاہ محمود قریشی نے اپوزیشن رہنمائوں کو خطوط لکھے تھے تاہم اپوزیشن جماعتوں کے شرکت سے انکار پر حکومت نے یہ بریفنگ ملتوی کر دی تھی۔

 

Tags:

You Might also Like

Leave a Comment

Your email address will not be published. Required fields are marked *