حساس ادارے کے افسر کو تشدد کا نشانہ بنانے والے سیاسی رہنما کے گارڈز گرفتار

لاہور پولیس نے حساس ادارے کے افسر کو تشدد کا نشانہ بنانے پر سیاسی رہنما کے گارڈز کو گرفتار کرلیا ہے۔

قائمقام سی سی پی او لاہور ڈی آئی جی انوسٹی گیشن شہزادہ سلطان کا پریس کانفرنس میں کہنا تھا کہ گذشتہ شام کلمہ چوک کے قریب افسوسناک واقعہ پیش آیا، جہاں سیاسی جماعت کے رہنما کے پرائیویٹ گارڈز نے حساس ادارے کے ملازم کو تشدد کا نشانہ بنایا۔

انہوں نے بتایا کہ راستہ نہ دینے پر پرائیویٹ گارڈز نے حساس ادارے کے افسر کو تشدد کا نشانہ بنایا، پولیس نے واقعہ کا مقدمہ درج کرکے ملوث چاروں ملزمان کو گرفتار کرلیا اور گاڑی قبضہ میں لے لی۔

https://twitter.com/arsched/status/1514354316441632777?ref_src=twsrc%5Etfw%7Ctwcamp%5Etweetembed%7Ctwterm%5E1514354316441632777%7Ctwgr%5E%7Ctwcon%5Es1_c10&ref_url=https%3A%2F%2Fwww.siasat.pk%2Fforums%2Fthreads%2FD985DB8CD8B1DB92-DAAFD8A7D8B1DA88D8B2-DAA9DB92-DB81D8A7D8AADABED988DABA-DAA9D8B3DB8C-D8A7D981D8B3D8B1-D9BED8B1-D8AAD8B4D8AFD8AF-DAA9DB8C-D8AED8A8D8B1-D8A8DB92-D8A8D986DB8CD8A7D8AF-DB81DB92D88CD8B3D984D985D8A7D986-D8B1D981DB8CD982.820946%2F

دوسری جانب لیگی رہنما خواجہ سلمان رفیق نے اپنے گارڈ کے ہاتھوں حساس ادارے کے افسر پر تشدد کی خبروں کو بے بنیاد قرار دے دیا ہے۔اپنے ٹویٹر پیغام میں انہوں نے کہا کہ سوشل میڈیا پر پی ٹی آئی ٹرولز کی جانب سے اور ان کے حامی چینل پر ایک حساس ادارے کے افسر پر میری موجودگی میں میرے گارڈز کے ہاتھوں تشدد کے حوالہ سے پھیلایا جانیوالا مواد بے بنیاد جھوٹ اور ہے۔

https://twitter.com/SalmanRafiquePK/status/1514369954027646981?ref_src=twsrc%5Etfw%7Ctwcamp%5Etweetembed%7Ctwterm%5E1514369954027646981%7Ctwgr%5E%7Ctwcon%5Es1_c10&ref_url=https%3A%2F%2Fwww.siasat.pk%2Fforums%2Fthreads%2FD985DB8CD8B1DB92-DAAFD8A7D8B1DA88D8B2-DAA9DB92-DB81D8A7D8AADABED988DABA-DAA9D8B3DB8C-D8A7D981D8B3D8B1-D9BED8B1-D8AAD8B4D8AFD8AF-DAA9DB8C-D8AED8A8D8B1-D8A8DB92-D8A8D986DB8CD8A7D8AF-DB81DB92D88CD8B3D984D985D8A7D986-D8B1D981DB8CD982.820946%2F

ان کا مزید کہنا تھا کہ واضح رہے کہ میں بغیر گارڈز کے سفر کرتاہوں میراایسے کسی واقعہ سے کوئی تعلق نہیں ہے۔

خیال رہے کہ اے آر وائی نیوز کے اینکر ارشد شریف نے ٹویٹ کیا تھا کہ پاکستان آرمی کے میجر حارث کو ن لیگ کے رہنما کے گارڈز نے بہیمانہ تشدد کا نشانہ بنایا،جس سے ان کا بازو ٹوٹ گیا۔

https://twitter.com/CcpoLahore/status/1514567377979121669?s=20&t=x00cyNmErJEODVakU_L50Q

ارشد شریف نے لکھا تھا کہ میرا یہ بھائی سیاچین پر ملک کا دفاع کر چکا ہے۔ سلمان رفیق اور حافظ نعمان اگلی گاڑی میں تھے جب ان کے گارڈز نے میجر حارث کو مارا، یہ سب افسوسناک ہے۔