ترجمان دفتر خارجہ نے بیان میں کہا کہ یو اے ای اور اسرائیل تعلقات کی بحالی کے معاہدے کو دیکھا ہے اس معاہدے کے دور رس نتائج ہوں گے۔
دفتر خارجہ نے کہا کہ فلسطینیوں کے حق خودارادیت سےاظہار یکجہتی کرتے ہیں، مشرق وسطیٰ میں امن واستحکام پاکستان کی ترجیحات ہیں، پاکستان پائیدار امن کیلئے 2 ریاستی حل کی حمایت کرتا ہے۔
دفتر خارجہ کے مطابق فلسطینیوں کے حقوق اور امنگوں کے مطابق پاکستان نقطہ نظر بیان کرتا ہے، فلسطینیوں کے حقوق میں ان کی خودمختاری کا حق شامل ہے۔