پی ٹی آئی سپورٹرز نے بیٹے کی شادی پر بھی مریم کو نہ بخشا، حسد سے بھرپور ٹویٹس

مریم نواز شریف ان دنوں اپنے صاحبزادے جنید صفدر کی شادی کی تقریبات میں مصروف ہیں۔ پرمسرت موقع پر ان خوبصورت تصاویر سوشل میڈیا پر خوب وائرل ہو رہی ہیں لیکن حسد سے بھرے انصافی انھیں اس موقع پر بھی چین سے نہیں رہنے دے رہے اور اپنی ٹویٹس کے ذریعے بھرپور حسد کا اظہار کر رہے ہیں۔

https://twitter.com/PakBaba123/status/1469421444601896967?s=20

انصافیوں کے سوشل میڈیا ہینڈلز کے ذریعے مریم نواز شریف پر حسد کے بھرپور وار کئے جا رہے ہیں، کوئی انھیں جاتی امرا کی امرائو جان کے القابات سے نواز رہا ہے تو کوئی انتہائی نازیبا جملے بازی کر رہا ہے۔

https://twitter.com/AliMuradPti/status/1470062649388023809?s=20

ایک انصافی صارف نے لکھا کہ عوام کے پیسے میں کتنی طاقت ہوتی ہے وہ ذیل میں لگائی گئی فوٹو سے واضح ہو رہی ہے۔ پہلی تصویر اس وقت کی ہے جب موٹروے نہیں بنی تھی اور مریم باپ دادا کے پیسے پر پل رہی تھی۔ دوسری تصویر 29 سال بعد تین دفعہ کے وزیراعظم کی بیٹی کی ہے۔

https://twitter.com/pakistani504/status/1470347857001684993?s=20

ایک اور صارف نے لکھا کہ پہلے ہمارے آباؤ واجداد نانا نانی یا دادا دادی بننے پر خوشی محسوس کرتے تھے مگر افسوس اب اس کے برعکس ہے۔ خصوصاً عورتیں اپنی صحیح عمر چھپاتی ہیں۔ اس سے پہلے کہ لوگ زیادہ عمر کی عورت سمجھ کر نانی یا دادی کہنا شروع کردیں اپنے خدوخال میں تبدیلی کروا لیتی ہیں۔

https://twitter.com/CherieDamour_/status/1470483135402057729?s=20

تاہم کچھ سوشل میڈیا صارفین نے پی ٹی آئی سے سیاسی وابستگی ہونے کے باوجود ایسی ٹرولنگ پر شدید ناراضی کا اظہار کیا۔ ایک صارف نے لکھا کہ میری سپورٹ پی ٹی آئی کے ساتھ رہی ہے مگر کسی بھی عورت کی شکل صورت، کردار، ازدواجی زندگی کے بارے میں کوئی بھی ڈسکشن نہیں ھونی چاہیے۔ اگر کسی میں کوئی برائی ہے بھی تو اس پر پردہ ڈالیں۔ رب کریم نے بھی ہمارے نا جانے کتنی برائیوں پر پردے ڈال رکھے ہیں۔ البتہ سیاسی اختلاف کھل کر کریں۔