صدر مملک عارف علوی نےسی ڈی اے کی جانب سے ایوان صدر میں طوطے کے پنجرے کی تعمیر کے بارے میں سی ڈی اے کے ٹینڈر نوٹس کا سخت نوٹس لیلتے ہوئے فوری طور پر اس ٹینڈر نوٹس کو واپس لینے اور انکوائری شروع کرنے کا حکم دیا تھا۔
ترجمان نے بتایا کہ ’صدر نے فوری طور پر مذکورہ ٹینڈر نوٹس واپس لینے اور اس سے متعلق انکوائری شروع کرنے کا حکم دیا، یہ ٹینڈر نوٹس متعلقہ اتھارٹی سے اجازت لیے بغیر جاری کیا گیا تھا‘۔
واضح رہے کہ سادگی پر مبنی بجٹ کے اعلان کے 2 روز بعد ہی وفاقی دارالحکومت کی شہری انتظامیہ نے ایوان صدر میں پرندوں کے پنجروں کے لیے 20 لاکھ روپے کا ٹینڈر جاری کیا تھا۔