پچھلی چار صدیوں کے دوران، بہاماس کے ساحل سے 70 کلومیٹر دور واقع ماراویلا کے ملبے کو متعدد مہمات کے ذریعے حاصل کرنے کی کوششیں کی جاتی رہیں لیکن کبھی کامیابی نہیں مل سکی تھی۔
لیکن پچھلے دو سالوں کے دوران، ماہرین آثار قدیمہ پر مشتمل غوطہ خوروں کی ایک بین الاقوامی ٹیم نے اسے دوبارہ سے ڈھونڈنے کا کام شروع کیا تھا۔ ماراویلا بہاماس کی سمندری تاریخ کا ایک اہم حصہ بن چکا ہے۔
جہاز اصل میں تباہ ہو کر کب غرق سمندر ہوا؟ اس بارے میں تاریخ میں ہمیں بہت کم پتا چلتا ہے۔ تاہم ہسپانوی، انگریزی، فرانسیسی، ڈچ، امریکن اور بہامین مشنوں نے 17ویں اور 18ویں صدی کے دوران اس جہاز کے بہت سے ٹکڑے برآمد کیے تھے۔ ٹیم کو یقین ہے کہ وہاں مزید خزانے موجود ہیں۔
آخری مہم کے ذریعے ملنے والے سب سے اہم ٹکڑوں میں سے ایک سونے کا ہار تھا جس کے بیچ میں سینٹیاگو (سینٹ جیمز) کی کراس تھی۔
دوسرے ٹکڑے میں وہی ابھری ہوئی کراس ہے، ایک بڑا بیضوی کولمبیا کا زمرد۔ بیزل کو اصل میں 12 دیگر زمرد سے سجایا گیا تھا۔
یہ نتائج اس بات کا ثبوت ہیں کہ 12ویں صدی میں سپین اور پرتگال میں قائم ہونے والی ایک باوقار مذہبی اور عسکری تنظیم نائٹس آف سینٹیاگو جہاز میں موجود تھی۔ اس کے نائٹ خاص طور پر سمندری تجارت میں سرگرم تھے۔
جب پرتگالی نیویگیٹر واسکو ڈی گاما، جو ہندوستان کا سفر کرنے والے پہلے یورپی تھے، نے 1502 اور 1503 کے درمیان 21 بحری جہازوں کے بیڑے کی کمانڈ کی، اس نے آٹھ گھڑ سواروں کے ساتھ سفر کیا۔
دیگر اہم دریافتوں میں چاندی اور سونے کے سکے، زمرد اور نیلم، سونے کی 1 اعشاریہ 8 میٹر لمبی زنجیر اور 34 کلو گرام وزنی چاندی کی سلاخیں شامل ہیں۔