فواد چودھری کا اینکر کو تھپڑ: عینی شاہد رؤف کلاسرا نے کیا دیکھا؟

اینکر پرسن رؤف کلاسرا نے فواد چودھری اور اینکر پرسن سمیع ابراہیم کے مبینہ جھگڑے کے متعلق اپنے ویڈیو پیغام میں کہا کہ تقریب میں سب لوگوں کی موجودگی میں فواد چودھری کی جانب سے اس طرح کے ردعمل کے بارے میں کوئی بھی توقع نہیں کر رہا تھا، فواد چودھری نے اچانک سمیع ابراہیم کو دیکھا اور ان پر حملہ کر دیا، یہ اتنا تیزی سے ہوا کہ کسی کو ری ایکشن کا وقت نہیں ملا، اتنے کم وقت میں اس واقعہ کی ویڈیو بھی نہیں بن سکتی تھی۔

https://www.youtube.com/watch?v=4K2A9vE9_vU

روف کلاسرا کا کہنا تھا کہ چوہدری صاحب۔آپ نے وزیر ہونے کا فائدہ اٹھا کر سمیع ابراہیم ساتھ سخت زیادتی کی سو کی لیکن اپ نے92چینل مالک میاں حنیف صاحب سے اس سے بڑھ کر زیادتی کی جن کی بیٹی کی شادی موقع پر آپ نے ان کے مہمان کو بغیر تلخ کلامی تھپڑ مارا۔اپ نے سمیع ساتھ ساتھ میزبان کیinsult کی ہے۔بہت افسوس ہوا ہے۔

ان کا کہنا تھا کہ اللہ نے اگر اپ کو بڑا عہدہ دیا ہے تو بڑا ظرف بھی دکھانا چائیے تھا۔ ایک وفاقی وزیر اور سرعام ایک صحافی کو اس طرح اکر تھپڑ مارے اورگالیاں دے۔۔ مجھے سمیع کی صحافت سے بہت اختلاف ہے لیکن یہ کیا انداز ہے کہ اپ کسی کو بھی کسی کی بیٹی کے شادی کے موقع پر تھپڑ مار دیں گے؟

انہوں نے مزید کہا کہ کل رات فیصل آباد واپسی پر میں پوری رات سو نہیں سکا کہ یہ سب کچھ میرے اور ارشد شریف کے سامنے ہوا ہے اور اتنا اچانک ہوا کہ سب ششدر رہ گئے۔ میں اور ارشد شریف کتنی دیر صدمے کی حالت میں سمیع ابراہیم کو گلے لگا کر تسلی دیتے رہے۔ سمیع بہت برا ہوگا لیکن ایک وزیر کا یہ منصب نہیں تھا۔

یاد رہے کہ گزشتہ روز وفاقی وزیر فواد چودھری اور بول ٹی وی کے اینکرپرسن سمیع ابراہیم کا ایک شادی کی تقریب میں آمنا سامنا ہوا تو فواد چودھری نے تکرار کے دوران اینکر پرسن کو تھپڑ جڑ دیا۔ دونوں کے درمیان اس سے قبل بھی ایک متازع پروگرام کو لیکر گرما گرمی ہوئی

اینکرپرسن سمیع ابراہیم نے واقعہ کے خلاف اندراج مقدمہ کی درخواست بھی دیدی ہے تاہم سوشل میڈیا صارفین اس واقعہ پر ملی جلی رائے کا اظہار کر رہےہیں۔