تفصیلات کے مطابق اجلاس کے دوران تحریک انصاف کے رکن قومی اسمبلی و وزیراعظم عمران خان کے معاون خصوصی برائے امور کیپیٹل ڈویلپمنٹ اتھارٹی علی نواز اعوان نے بجٹ دستاویز اپوزیشن جماعت مسلم لیگ (ن) کے رکن اسمبلی شیخ روحیل اصغر کو دے ماری۔
اپوزیشن لیڈر کی تقریر کے دوران وفاقی وزراء اور حکومتی ارکان قومی اسمبلی نے شور شرابا کیا جبکہ حکومت اور اپوزیشن ارکان کے درمیان ایک دوسرے کیخلاف جملے بازی کی گئی۔ وزیراعظم کے معاون خصوصی و رکن اسمبلی علی نواز اعوان اورن لیگ کے شیخ روحیل اصغر کے درمیان جھڑپ بھی ہوئی اور گالم گلوچ بھی کی گئی۔
اس دوران علی نواز اعوان نے بجٹ دستاویز شیخ روحیل اصغر کو دے ماری اس دوران دیگر اسمبلی ممبران ان میں بیچ بچاؤ کرتے رہے تاہم گالیوں کا سلسلہ نہ رک سکا۔