Type to search

انسانی حقوق انصاف خبریں فيچرڈ

پنجاب حکومت کی جانب سے جرمانوں کی ادائیگی، 514 قیدی رہا

وزیراعلیٰ پنجاب عثمان بزدار نے صاحب ثروت افراد کی جانب سے دیے گئے عطیات کے تحت جمع ہونے والے 38 لاکھ 20 ہزار روپے 657 غریب قیدیوں کی دیت اور جرمانوں کی مد میں ادا کر دیے جس کے بعد قیدیوں کی رہائی کا عمل شروع ہو گیا ہے اور اب تک 514 قیدیوں کو رہا کیا جا چکا ہے جب کہ بقیہ 143 قیدیوں کو بھی عید سے قبل رہا کر دیا جائے گا۔

وزیراعلیٰ پنجاب نے کہا ہے کہ صوبائی حکومت معاشرے کے مختلف طبقات کے ساتھ مل کر قیدیوں کی فلاح و بہبود کے لیے سرگرم عمل ہے۔

انہوں نے مزید کہا، میں نے ذاتی طور پر جائزہ لینے کے لیے پنجاب بھر کی جیلوں کے دورے کیے تاکہ زمینی حقائق کے مطابق فلاحی اقدامات کیے جا سکیں۔

وزیراعلیٰ نے کہا، موجودہ حکومت نے ہر سطح پر سادگی کو فروغ دیا ہے۔ دستیاب وسائل کو منصفانہ انداز سے استعمال کیا جائے گا تاکہ ہر شعبہ یکساں طور پر ترقی کر سکے۔

دریں اثناء، وزیر ریلوے شیخ رشید احمد نے وزیراعلیٰ پنجاب سے فون پر بات چیت کی ہے جس میں دونوں رہنمائوں نے عوامی فلاح و بہبود اور ملکی سیاسی صورت حال پر تبادلہ خیال کیا۔

 

Tags:

Leave a Comment

Your email address will not be published. Required fields are marked *