LOADING

Type to search

خبریں فيچرڈ کھیل

فیصل آباد: کرکٹ میچ کے دوران تنازع پر دو گروپوں میں جھگڑا, فائرنگ سے 2 افراد جاں بحق

فیصل آباد: گجر سنگھ والا میں کرکٹ کھیلنے کے دوران جھگڑے میں فائرنگ سے راہگیر خاتون سمیت دو افراد جاں بحق اور 6 زخمی ہو گئے۔

پولیس کے مطابق گجر سنگھ والا میں کرکٹ کھیلنے کے دوران تنازع پر دو گروپوں میں جھگڑا ہوا جو دیکھتے ہی دیکھتے مسلح تصادم میں تبدیل ہو گیا۔

پولیس حکام کے مطابق جھگڑے کے دوران دونوں گروپوں نے ایک دوسرے پر فائرنگ کر دی جس کے نتیجے میں ایک راہگیر خاتون سمیت 2 افراد جاں بحق ہو گئے۔

مسلح تصادم کے نتیجے میں 6 افراد زخمی بھی ہوئے جن میں سے 4 زخمیوں کو سول اور 2 کو الائیڈ اسپتال منتقل کر دیا گیا ہے۔

پولیس حکام کا کہنا ہے کہ زخمیوں کے بیانات اور مکمل تحقیقات کے بعد مقدمہ درج کیا جائے گا۔

Tags:

You Might also Like

Leave a Comment

Your email address will not be published. Required fields are marked *