عالمی وبائی مرض کورونا وائرس سے متعلق سلوگن بدلنے کا نوٹیفکیشن وزارت مذہبی امور نے جاری کردیا ہے۔
نوٹیفکیشن کے مطابق ’کورونا سے ڈرنا نہیں لڑنا ہے‘ کا سلوگن اب استعمال نہیں کیا جائے گا۔
وزارت مذہبی امور نے اپنے نوٹیفکیشن میں کہا ہے کہ اب سے ’کورونا وبا ہے، احتیاط جس کی شفا ہے‘ کا نعرہ استعمال کیا جائے گا۔
وفاقی کابینہ نے اسلامی نظریاتی کونسل کی سفارشات پر کورونا وائرس سے متعلق نعرہ تبدیل کیا جس سے متعلق وزارت مذہبی امور نے نوٹیفکیشن جاری کردیا ہے۔
وزارت مذہبی امور نے اپنے نوٹیفکیشن میں کہا کہ ’کورونا سے ڈرنا نہیں لڑنا‘ کے استعمال سے اجتناب برتنے کی ہدایت کی ہے۔