یہ بات انہوں نے 92 نیوز سے خصوصی گفتگو کرتے ہوئے کہی۔ شبر زیدی کا کہنا تھا کہ ملک چلانے کے لیے پٹرولیم مصنوعات کا استعمال کم کیا جائے۔ حکومت کو جلد از جلد فیصلہ کرنا ہوگا کہ اس نے اپنا سیاسی نقصان کرنا ہے یا ملک چلانا ہے؟
سابق چیئرمین ایف بی آر کا ایک سوال کا جواب دیتے ہوئے کہنا تھا کہ آپ نے جو بھی کرنا ہے فیصلہ کریں، یہ سیاسی نہیں معاشی فیصلہ ہے۔ اگر یہ پٹرول کی قیمت نہیں بڑھاتے تو ڈالر مہنگا ہوتا رہے گا۔
https://twitter.com/SShabbarZaidi/status/1526442154364506113?s=20&t=WAuP49I4MQdWsh_IZhRtSw
ان کا کہنا تھا کہ حکومت کے پاس فیصلہ کرنے کے لئے آئندہ 48 گھنٹے انتاہئی اہم ہیں۔ تاہم پاکستانی معیشت کے بنیادی مسائل حل کرنے کے لئے وقت درکار ہوگا۔
شبر زیدی نے کہا کہ بین الاقوامی مالیاتی فنڈ (آئی ایم ایف) جو کہہ رہا ہے اس پر عمل کیا جائے۔ آئی ایم ایف کی اگر شرائط تسلیم نہیں کرنی تو اعلان کیا جائے۔ سوال یہ ہے کہ آپ نے معیشت کے بنیادی مسائل حل کرنے ہیں کہ نہیں؟
انہوں نے کہا کہ فی الحال ملک کے ڈیفالٹ ہونے کا کوئی خدشہ نہیں، آئی ایم ایف کے سوا حکومت کے پاس کوئی آپشن نہیں۔ آئی ایم ایف سے جلد معاہدہ کیا جائے۔
یہ بھی پڑھیں: لوگوں کو دھوکا نہ دیں، پاکستان دیوالیہ ہو چکا، شبر زیدی کا رونگٹے کھڑے کر دینے والا انکشاف
خیال رہے کہ گذشتہ سال دسمبر میں شبر زیدی نے ایک چونکا دینے والا بیان جاری کرکے عوام کے رونگٹے کھڑے کر دیئے تھے۔ انہوں نے کہا تھا کہ لوگوں کو دھوکا نہ دیا جائے، پاکستان دیوالیہ ہو چکا ہے۔
کراچی میں ایک تقریب سے خطاب میں شبر زیدی کا کہنا تھا کہ میں اس نتیجے پر پہنچا ہوں کہ ہمارا ملک پاکستان بینک کرپٹ (دیوالیہ) ہو چکا ہے۔ ہم لاکھ کہتے رہیں کہ سب کچھ بہت اچھا ہے، سب ٹھیک ہے لیکن حقیقت میں ایسا نہیں ہے۔
https://twitter.com/SyedKousarKazmi/status/1471114262995214340?ref_src=twsrc%5Etfw%7Ctwcamp%5Etweetembed%7Ctwterm%5E1471114262995214340%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F74988%2Fbank-corrupt- pakistan-imran-khan-shabar-zaidi%2F
ان کا کہنا تھا کہ یہ باتیں کرنا کہ ملک بڑا اچھا چل رہا ہے، ہم بڑی تبدیلی لے آئے ہیں، بالکل غلط ہیں۔ ہم سمجھتا ہوں کہ پاکستان دیوالیہ ہو چکا ہے۔
شبر زیدی نے کہا تھا کہ یہ تسلیم کرنا زیادہ ٹھیک ہے کہ ہم بینک کرپٹ ہو چکے ہیں، بجائے اس کے کہ یہ کہا جائے کہ پاکستان میں سب اچھا چل رہا ہے۔ میں یہ کر دوں گا، میں وہ کر دوں گا، میں یہ لے آئوں گا۔ یہ باتیں کرنا عوام کو صرف دھوکا دینے کے مترادف ہیں۔