سوشل میڈیا پر جاری ویڈیو میں دیکھا جا سکتا ہے کہ ایک خاتون ٹک ٹاکر آگ کے سامنے سے گزر رہی ہے جبکہ اس ویڈیو کے بیک گرائونڈ میں کوک سٹوڈیو کا مشہور گانا ''پسوڑی'' بج رہا ہے۔
https://twitter.com/HamidMirPAK/status/1526534110688202752?s=20&t=3a3_XCTu9hXZi3tnYgLR3g
ایک ٹویٹر صارف نے واقعے پر شدید برہمی کا اظہار کرتے ہوئے کہا ہے کہ اسلام آباد میں مارگلہ پہاڑیوں کو آگ لگا کر ماڈلنگ کی جاتی رہی لیکن انتظامیہ کو خبر نہ ہوئی۔ محکمہ جنگلات کو جواب دینا پڑے گا کہ انہوں نے اجازت کیسے دی؟ اگر نہیں دی تو کہاں سو رہے تھے؟ اگر آگ پھیل جاتی تو نقصان کا ذمہ دار کون ہوتا؟ متعلقہ افسران اور اس خاتون ڈولی کیخلاف سخت کارروائی ہونی چاہیے۔ اس کو ری ٹویٹ کرتے ہوئے سینئر تجزیہ کار حامد میر نے خاتون کو ڈھونڈ کر اس کیخلاف فوری کارروائی کا مطالبہ کیا ہے۔
دوسری جانب اسلام آباد وائلڈ لائف نے آگ لگانے والے ٹک ٹاکرز کے خلاف کارروائی کا اعلان کرتے ہوئے کہا ہے کہ ویڈیو بنانے اور فالورز بڑھانے کے لیے جنگل کو آگ لگا دیتے ہیں۔
https://twitter.com/Islaamabad/status/1526509773612621825?ref_src=twsrc%5Etfw%7Ctwcamp%5Etweetembed%7Ctwterm%5E1526509773612621825%7Ctwgr%5E%7Ctwcon%5Es1_c10&ref_url=https%3A%2F%2Fpublicnews.com%2F68697%2F
انتظامیہ کا کہنا ہے کہ آسٹریلیا میں جنگلات کو آگ لگانے کی سزا عمر قید ہے۔ پاکستان میں بھی سخت قانون لانے کی ضرورت ہے۔
خیال رہے کہ اس سے قبل ایبٹ آباد میں ٹک ٹاک ویڈیو کی خاطر جنگل کو آگ لگا دی گئی تھی۔ نوجوان قیمتی درخت کو آگ لگا کر ویڈیو بناتا رہا تھا۔ ویڈیو جب منظر عام پر آئی تو محکمہ جنگلات اور وائلڈ لائف نے نوجوان کو گرفتار کرکے مقدمہ درج کر لیا تھا۔