Type to search

خبریں سیاست فيچرڈ

مریم نواز نے سہیل وڑائچ کو کھری کھری سنا دی

پاکستان کے معروف صحافی سہیل وڑائچ، جن کا کالم حالات حاضرہ پر معتبر تبصرہ سمجھا جاتا ہے، نے اپنے آج کے کالم میں مریم نواز کی سیاست پر سوال اٹھایا۔ انکا کہنا تھا کہ مریم نواز کے بیانیے میں تسلسل نہیں ہے اور وہ جارحانہ انداز اس وقت اختیار کرتی ہیں جب ان کے والد جیل میں ہوتے ہیں یا ان پر کوئی مشکل آن پڑتی ہے ورنہ وہ منظر عام سے غائب ہو جاتی ہے۔

سہیل وڑائچ کے کالم پر مریم نواز نے اپنے ردعمل کا سخت الفاظ میں اظہار کیا اور ٹویٹس کے ذریعے ناصرف سہیل وڑائچ کو سنا دیں بلکہ اپنے خاندان پر ہونے والے “مظالم” کا ذکر کیا۔

ان کا کہنا تھا کہ 20 سال سے سیاست میں تو نہیں مگر سیاست میں نا ہوتے ہوئے بھی ہاؤس اریسٹ اور 7 سالہ جلا وطنی جیسی سزائیں بھگت چکی ہوں۔ جس دن والد کو ہائی جیلر قرار دے کر دو بار عمر قید کی سزا سنائی گئی اس دن بھی کراچی عدالت میں موجود تھی اور جج کو آواز دی تھی کہ بیگناہ کو سزا دی ہے اللّہ کا خوف کرو

مریم نواز کا یہ بھی کہنا تھا کہ اس دن میرے والد جدہ میں میرے دادا کی میت کو رخصت کرنے سے پہلے ان کا آخری دیدار کر رہے تھے اور ان کو کہ رہے تھے کہ اللّہ کے حوالے، اب اللّہ کے پاس آپ سے پھر ملوں گا، میں تب بھی ان کے پیچھے کھڑی تھی، آپ کہ سکتے ہیں کہ سیاست میں تو نہیں تھی مگر سیاست کےخارزاروں سے ضرور گزری ہوں۔

 

Tags:

You Might also Like

Leave a Comment

Your email address will not be published. Required fields are marked *