پاکستانی سیاست میں اس وقت سب سے زیادہ اہمیت کی حامل آج سے دو روز کے بعد ہونے والی آل پارٹیز کانفرنس ہے۔ اور تمام نظریں اس پر جمی ہیں۔
https://twitter.com/BBhuttoZardari/status/1306958831474405376
اب سے کچھ دیر پہلے بلاول بھٹو زرداری نے ایک ٹویٹ کی تھی جس میں انہوں نے خبر دی تھی کہ انکی کچھ ہی دیر قبل سابق وزیر اعظم نواز شریف سے ٹیلیفونک گفتگو ہوئی تھی۔ جس میں انہوں نے نواز شریف کی صحت کے بارے میں دریافت کیا اور نواز شریف کو اے پی سی میں ویڈیو لنک کے ذریعئے شریک ہونے کی دعوت دی۔
https://twitter.com/asadatoor/status/1306983206034513934
جس کے بعد اب مسلم لیگ ن کے رہنما مصدق ملک نے بھی اس بات کی تصدیق کر دی ہے کہ نواز شریف نے اے پی سی میں شرکت کرنے کی حامی بھر لی ہے۔ اس حوالے سے انہوں نے سما ٹی وی کے پروگرام سوال ود امبر میں سوال کا جواب دیتے ہوئے اس کی تصدیق کی۔
جس کے بعد اب اس آل پارٹیز کانفرنس کی اہمیت اور اسکا سیاسی وزن بڑھتا ہوا دکھائی دے رہا ہے۔
