Type to search

قومی کھیل

اسپاٹ فکسنگ کیس میں ملوث شرجیل خان کرکٹ میں واپسی کے لیے تیار

اسپاٹ فکسنگ کیس میں سزا پانے والے کرکٹر شرجیل خان نے پاکستان کرکٹ بورڈ کو کھیل میں واپسی کے لیے بحالی پروگرام فراہم کرنے کے حوالے سے خط لکھ دیا ہے۔

ذرائع کے مطابق شرجیل خان کی اسپاٹ فکسنگ میں سزا 10 اگست کو ختم ہو رہی ہے جس کے بعد پی سی بی کوڈ کی شق 6.7 کے تحت انہیں بحالی پروگرام دیا جانا ہے۔

پی سی بی ذرائع کا کہنا ہے کہ کرکٹ میں واپسی کے لیے شرجیل خان کو بحالی پروگرام کے ساتھ ساتھ اعتراف جرم کرتے ہوئے قوم سے معافی مانگنا ہوگی۔

پی سی بی انسداد بدعنوانی یونٹ شرجیل خان کے بحالی پروگرام کی نگرانی کرے گا۔

یاد رہے پی ایس ایل سیزن ٹو میں اسلام آباد یونائٹیڈ کی نمائندگی کرتے ہوئے شرجیل خان نے اسپاٹ فکسنگ کی تھی، جرم ثابت ہونے پر شرجیل خان کو ڈھائی سال کے لیے کرکٹ کے میدانوں سے باہر کر دیا تھا۔

Tags:

You Might also Like

Leave a Comment

Your email address will not be published. Required fields are marked *