جیو نیوز نے پولیس حکام کے حوالے سے بتایا ہے کہ ایس آئی یو پولیس اور حساس ادارے کی جانب سے کراچی کے علاقے گلستان جوہر میں کارروائی کر تے ہوئے بھارتی خفیہ ایجنسی را کے لیے کام کرنے والے کراچی پولیس کے اے ایس آئی کو گرفتار کیا گیا ہے۔
حکام کے مطابق اے ایس آئی شہزاد پرویز شارع فیصل تھانے میں تعینات تھا، ملزم کے قبضے سے دو دستی بم بھی برآمد ہوئے۔ پولیس حکام کا بتانا ہے کہ گرفتار پولیس افسر دہشت گردی کی کارروائیوں میں بھی ملوث ہے جبکہ یہ ٹارگٹ کلرز کی ٹیم کا اہم رکن بتایا جاتا ہے۔
یاد رہے ڈیڑھ ماہ قبل کراچی کے دو سرکاری اداروں میں کام کرنے والے دو ملازمین بھی بھارتی ایجنسی را کے لئے کام کرتے ہوئے پکڑے گئے تھے۔