19 مئی کو ایرانی صدر سید ابراہیم رئیسی کے ہیلی کاپٹر کو پیش آنے والا حادثہ اور اس کے نتیجے میں ان کی ہلاکت کسی سربراہ مملکت کو پیش آنے والا پہلا حادثہ نہیں تھا بلکہ لیکن پوری دنیا کی تاریخ میں فضائی حادثات میں صدور، وزرائے اعظم اور بادشاہوں کی موت کوئی غیر معمولی بات نہیں۔ بظاہر ایسا لگ رہا ہوتا ہے کہ جہاز یا ہیلی کاپٹر کسی تکنیکی یا موسمی صورت حال کی خرابی کے باعث حادثے کا شکار ہوا ہے تاہم حادثے کے پیچھے چھپے حقائق وقت گزرنے کے ساتھ آہستہ آہستہ سامنے آتے ہیں۔
اسی طرح کے واقعات پر اگر ماضی میں دیکھیں تو 1940 سے اب تک پیش آنے والے ناگہانی فضائی حادثات و واقعات میں متعدد ممالک کے صدور جان کی بازی ہار چکے ہیں۔ ان میں پاکستانی صدر جنرل ضیاء الحق، عراق کے صدر عبدالسلام عارف اور برازیل کے نیورو ریموس کے نام قابلِ ذکر ہیں۔
سید ابراہیم رئیسی (ایران)
19 مئی 2024 کو ایران کے صوبے مشرقی آذربائیجان میں ایرانی صدر سید ابراہیم رئیسی کے ہیلی کاپٹر کو شدید دھند کے باعث پہاڑی علاقوں سے گزرتے ہوئے حادثہ پیش آیا۔ حادثے کے نتیجے میں ایرانی صدر اور وزیر خارجہ حسین امیر عبداللہیان سمیت ہیلی کاپٹر میں سوار تمام 9 افراد جاں بحق ہو گئے۔
سیبسٹین پینیرا (چلی)
2010 سے 2022 تک چلی کے صدر رہنے والے سیبسٹین پینیرا 6 فروری 2024 کو چلی کی جھیل رینکو میں ٹیک آف کے چند منٹ بعد رابنسن R44 ہیلی کاپٹر کے حادثے میں ہلاک ہو گئے۔
لیخ کازنسکی (پولینڈ)
پولینڈ کے صدر 2010 میں روس کے شہر سمولینسک کے قریب ایک طیارے کے حادثے میں ہلاک ہو گئے تھے۔ اس حادثے میں ان کی اہلیہ، اعلیٰ فوجی حکام اور معاونین سمیت 90 کے لگ بھگ لوگ لقمہء اجل بنے تھے۔
ابراہیم ناصر (مالدیپ)
مالدیپ کے دوسرے صدر ابراہیم ناصر 2008 میں ایک غیر آباد جزیرے کے نجی دورے کے دوران ہیلی کاپٹر حادثے میں ہلاک ہو گئے۔
بورس ٹراجکووسکی (شمالی مقدونیہ)
بورس ٹراجکووسکی 1999 سے شمالی مقدونیہ کے صدر تھے جب تک کہ وہ بیچ کرافٹ سپر کنگ ایئر کے طیارے میں 26 فروری 2004 کو موسٹار، بوسنیا اور ہرزیگووینا میں ہوائی جہاز کے حادثے میں ہلاک ہو گئے۔
حافظ الاسد (شام)
شام کے صدر حافظ الاسد 2000 میں دمشق کے قریب طیارے کے حادثے میں ہلاک ہو گئے۔ یہ حادثہ پراسرار حالات میں پیش آیا۔ سرکاری وجہ یہ بتائی گئی کہ پرواز کے دوران پائلٹ کو دل کا دورہ پڑا تھا۔
جووینال حبیاریمانا (روانڈا)
روانڈا کے صدر جووینال حبیاریمانا روانڈا میں کیگالی کے قریب 1994 میں ہوائی جہاز کے حادثے میں ہلاک ہو گئے تھے۔ ان کی موت کے بارے میں بڑے پیمانے پر خیال کیا جاتا ہے کہ وہ روانڈا کی نسل کشی کا محرک تھا۔
تازہ ترین خبروں، تجزیوں اور رپورٹس کے لیے نیا دور کا وٹس ایپ چینل جائن کریں
سائپرین نتاریامیرا (برونڈیا)
برونڈیا کے صدر سائپرین نتاریامیرا 6 اپریل 1994 کو عہدے کا حلف لینے کے دو ماہ بعد بین الاقوامی ہوائی اڈے کیگالی کے قریب جیٹ طیارے کے حادثے میں ہلاک ہو گئے تھے۔
جنرل ضیاء الحق (پاکستان)
پاکستان کے چھٹے صدر جنرل ضیاء الحق 17 اگست 1988 کو ہوائی جہاز کے حادثے کا اس وقت شکار ہوئے جب وہ بہاولپور میں امریکی ٹینک کے مظاہرے کا مشاہدہ کرنے کے بعد اسلام آباد کے لیے روانہ ہوئے۔
طیارہ بہاولپور ایئرپورٹ سے اسلام آباد انٹرنیشنل ایئرپورٹ کی طرف روانہ ہوا لیکن ٹیک آف کے کچھ ہی دیر بعد کنٹرول ٹاور کا طیارے سے رابطہ منقطع ہو گیا۔ حادثے کے نتیجے میں جنرل ضیاء الحق، جنرل اختر عبدالرحمان اور امریکی سفیر سمیت طیارے میں سوار 29 افراد جاں بحق ہو گئے تھے۔
سمورا مچیل (موزمبیق)
موزمبیق کے صدر کی موت 19 اکتوبر 1986 کو موزمبیق اور جنوبی افریقہ کی سرحد کے قریب طیارے کے حادثے میں ہوئی جس میں جنوبی افریقہ کے ملوث ہونے کے الزامات ہیں۔
جیمی رولڈوس (ایکواڈور)
24 مئی 1981 کو اس وقت کے صدر جیمی رولڈوس کا طیارہ ایکواڈور کے شہر لوجا کے سیلیکا کینٹن میں گواچاناما کے قصبے کے قریب گر کر تباہ ہوا تھا۔ طیارے میں سوار افراد میں سے کوئی بھی زندہ نہیں بچا تھا۔
رینے بیرنٹوس (بولیویا)
27 اپریل 1969 کو بولیویا کے صدر رینے بیرنٹوس کا ہیلی کاپٹر حادثے کا شکار ہوا۔ حادثے کے نتیجے میں بولیویا کے صدر اور فوجی رہنما 49 برس کی عمر میں چل بسے۔
لیون مبا (گیبون)
گیبون کے پہلے صدر کی موت 1967 میں گبون کے ساحل پر طیارے کے حادثے میں ہوئی۔
عبدالسلام عارف (عراق)
13 اپریل 1966 کو عراق کے دوسرے صدر عبدالسلام عارف بصرہ کے ہوائی اڈے سے تقریباً 10 کلومیٹر کے فاصلے پر عراقی فضائیہ کے طیارے کے حادثے میں ہلاک ہو گئے تھے۔
نیریو راموس (برازیل)
برازیل کے عبوری صدر نیریو راموس 16 جون 1958 کو کریٹیبا افونسو پینا کے ہوائی اڈے کے قریب کروزیرو ایئر لائن کے حادثے میں ہلاک ہو گئے تھے۔
اس کے علاوہ 18 جولائی 1967 کو برازیلین فوجی سربراہ اور صدر مارشل ہمبرٹو ڈی ایلنکار کاسٹیلو برانکو کا ہوائی جہاز برازیل کے شہر فورٹالیزا میں گر کر تباہ ہو گیا تھا۔ انہوں نے 1964 کی فوجی بغاوت کے بعد پہلے آمر صدر کی حثیثت سے عہدہ سنبھالا تھا۔
رامون میگسیسے (فلپائن)
رامون میگسیسے فلپائن کے ساتویں صدر تھے۔ 17 مارچ 1957 کو میگسیسے سیبو سٹی سے منیلا کے لیے روانہ ہوئے لیکن اڑان بھرتے ہی طیارے کے لاپتہ ہونے کی اطلاع ملی۔ بعد ازاں مقامی اخبارات نے یہ اطلاع دی کہ ہوائی جہاز سیبو میں ماؤنٹ مانونگگل پر گر کر تباہ ہو گیا تھا۔ حادثے کے نتیجے میں طیارے میں سوار 56 میں سے 36 افراد ہلاک ہو گئے تھے۔
ولادی شلاف سکورسکی (بولیویا)
جلاوطنی میں پولینڈ کے صدر 1943 میں جبرالٹر کے قریب ہوائی جہاز کے حادثے میں ہلاک ہو گئے۔
ہوزیف فیلکس ایس ٹیگریبیا (پیراگوئے)
7 ستمبر 1940 کو پیراگوئے کے صدر ہوزیف فیلکس ایس ٹیگریبیا شہر الٹوس میں طیارے کے حادثے میں ہلاک ہوئے تھے۔