Type to search

خبریں سیاست فيچرڈ

عمران خان کی تقریر کیسی تھی؟ بلاول کا یوٹرن

بلاول بھٹو زرداری نے وزیراعظم عمران خان کی اقوام متحدہ میں کی جانے والی تقریر پر تنقید کی تھی تاہم اس حوالے سے اب انہوں نے نیا بیان داغ دیا ہے۔

پاکستان پیپلز پارٹی کے چیئرمین بلاول بھٹو زرداری نے اپنے بیان سے یوٹرن لیتے ہوئے وزیراعظم عمران خان کی تقریر کو اچھا قرار دیدیا تاہم ساتھ یہ بھی کہا ہے کہ ان کا فوکس کشمیر ہونا چاہیے تھا۔

بلاول بھٹو نے کہا کہ وزیراعظم عمران خان نے اقوام متحدہ میں اچھی تقریر کی لیکن مقبوضہ کشمیر پر جو تاریخی حملہ ہوا، صرف اس پر ہی فوکس کرنا چاہیے تھا، انھیں کشمیریوں کے حق خودارادیت کی بات کرنی چاہیے تھی۔

زلزلہ متاثرین کیساتھ ملاقات کے بعد میرپور میں پریس کانفرنس کرتے ہوئے انہوں نے حکومت سے مطالبہ کیا کہ پاکستان پیپلز پارٹی وفاق سے درخواست کرتی ہے کہ عوام کی ضرورت زیادہ ہے اس حساب سے مدد کی جائے۔ یہاں کے ہسپتالوں میں ڈاکٹرز اور سٹاف کی ضرورت ہوگی، سندھ حکومت کی طرف سے مدد کریں گے۔

چیئرمین پیپلز پارٹی نے کہا کہ عوام مشکلات سے دوچار ہیں، حکومت کو جانا ہوگا۔ انہوں نے کہا کہ پاکستان پیپلز پارٹی کا کشمیری بہن بھائیوں کے ساتھ ایک خاص رشتہ ہے۔

مقبوضہ کشمیر میں بہن بھائی قید میں ہیں۔ کشمیریوں کا حق ہے کہ ان کو تمام انسانی حقوق ملیں۔ ہماری پوری کوشش ہے ہم اپنے مقبوضہ کشمیر کے بہن بھائیوں کی آواز بلند کریں۔

Tags:

You Might also Like

Leave a Comment

Your email address will not be published. Required fields are marked *