Type to search

خبریں صحت طب فیچر

اگر جگر کے امراض سے محفوظ رہنا چاہتے ہیں تو اس غذا سے اجتناب کریں

  • 2
    Shares

امریکہ میں ہونے والی ایک طبی تحقیق میں یہ دعویٰ سامنے آیا ہے کہ زیادہ میٹھا کھانا کی عادت آپ کے جگر کے لیے تباہ کن ثابت ہو سکتی ہے۔

طبی جریدے جرنل سیل میٹابولزم میں شائع ہونے والی جوسلین ڈائیبیٹس سینٹر کی تحقیق میں یہ دریافت کیا گیا ہے کہ زیادہ فروکٹوز والی غذاؤں کا استعمال جگر کی چربی گھلانے کی صلاحیت کو متاثر کر سکتا ہے۔ جیسے سافٹ ڈرنکس، ٹافیاں، سویٹینڈ دہی، جنک فوڈ، جوس، سفید ڈبل روٹی، ڈبہ بند پھل، ناشتے کے سریلز، بیکری کی مصنوعات، ساس، چپس، بسکٹ، انرجی و سپورٹس ڈرنکس، جیم و جیلی اور آئسکریم وغیرہ۔

تحقیق میں یہ بھی بتایا گیا ہے کہ زیادہ گلوکوز والی غذا کا استعمال جگر کی چربی گھلانے والے افعال کو بہتر کرسکتا ہے مگر فروکٹوز والی غذا منفی اثرات مرتب کرتی ہے۔

اس تحقیق کا سب سے اہم نکتہ یہ ہے کہ زیادہ میٹھا آپ کے لیے نقصان دہ ہے اور اس کی وجہ زیادہ کیلوریز نہیں بلکہ اس کا جگر کے میٹابولزم پر منفی اثرات مرتب کرنا ہے جو چربی گھلانے کے عمل کو بدتر بنا سکتا ہے۔ جس کی وجہ سے جگر میں چربی کا ذخیرہ زیادہ ہونے لگتا ہے اور جگر کے متعدد امراض کا خطرہ پیدا ہو جاتا ہے۔

Tags:

Leave a Comment

Your email address will not be published. Required fields are marked *