Type to search

خبریں فيچرڈ قومی کھیل

پہلوان انعام بٹ کا ایک اور کارنامہ، ورلڈ بیچ گیمز میں گولڈ میڈل جیت لیا

پاکستانی ریسلر انعام بٹ نے ملک کا نام روشن کرتے ہوئے دوحا میں منعقد ہونے والے ایونٹ کے فائنل میں جارجیا کے مارساداتو کو ہراکر گولڈ میڈل جیت لیا۔

تفصیلات کے مطابق پاکستانی پہلوان انعام بٹ نے دوحا میں منعقد ہونے والے ورلڈ بیچ گیمز میں گولڈ میڈل جیت لیا ہے۔ انعام بٹ نے چھ باؤٹس میں ناقابل شکست رہتے ہوئے ایک بار پھر خود کو چیمپئن ریسلر منوایا۔

انعام بٹ ورلڈ بیچ گیمز میں پاکستان کی نمائندگی کرنے والے واحد ایتھلیٹ ہیں۔ فائنل میں انعام بٹ نے جارجیا کے ریسلر داتو مارسا گیشولی کو 2-5 سے شکست دی۔

ایک موقع پر جارجیئن ریسلر 0-2 سے برتری حاصل کیے ہوئے تھے لیکن انعام بٹ نے آخری پندرہ سیکنڈز میں بازی پلٹی اور تین مرتبہ اپنے حریف کو دھول چٹاتے ہوئے 2-5 سے فتح اپنے نام کر لی۔

جیت کے بعد انعام بٹ نے پاکستان کا پرچم لہراتے ہوئے گراؤنڈ کا چکر لگایا اور سجدہ کیا۔

انعام بٹ نے آذربائیجان ، پرتگال ، جارجیا اور ترکی کے پہلوانوں کو گروپ باؤٹس میں مات دی۔ سیمی فائنل میں انعام بٹ نے اسپین کے پہلوان پیڈرو گارشیا پیریز کو بھی آؤٹ کلاس کرتے ہوئے فائنل تک رسائی حاصل کی تھی۔

Tags:

You Might also Like

Leave a Comment

Your email address will not be published. Required fields are marked *