جیو نیوز سے حاصل تفصیلات کے مطابق شہباز شریف کے داماد علی عمران نے لندن میں برطانوی اخبار ڈیلی میل اور صحافی ڈیوڈ روز کے خلاف لندن میں مقدمہ دائر کیا ہے۔
اس حوالے سے صحافی مرتضیٰ علی شاہ نے بتایا کہ شہباز شریف کے داماد علی عمران نے آج سے ڈیڑھ سال قبل برطانوی اخبار ڈیلی میل میں صحافی ڈیوڈ روز کے آرٹیکل میں لگائے گئے الزامات پر لندن میں مقدمہ دائر کیا ہے۔
انہوں نے بتایا کہ علی عمران نے اخبار میں لگائے گے الزامات کو بے بنیاد قرار دیتے ہوئے اخبار کے خلاف مقدمہ دائر کیا ہے۔