کرونا، ڈینگی تو بس بدنام ہو چکے ہیں، صحیح جان لیوا اور silent killer تو یہ جگر کی بیماریاں ہیں۔جن پر کوئی توجہ دینے کو تیار نہیں ۔ ہیپاٹائٹس B&C کے سکریننگ ٹیسٹ عام نا ہونے کی وجہ سے، جگر کی بیماریوں میں خوفناک حد تک اضافہ ہو چکا ہے۔
کل دورانِ راؤنڈ، کم از کم 70% مریض ایسے تھے، جنکی تشخیص تب ہوئی جب مرض بہت حد تک پچیدہ ہو چکا تھا، کچھ ایسے تھے، جنہیں پتا تھا کہ انہیں کالا یرقان (hep. c) ہو چکا ہے،لیکن انہوں نے اس کا کورس کرنے کی زحمت نہیں کی۔ جنہوں نے ہمت کر کے دوائیوں کا کورس کر لیا، انہوں نے کورس کے بعد pcr نہیں کیا، کہ پتا چلے کہ آیا جسم میں وائرس کس حد تک ہے، یا کورس کی وجہ سے اسکی گروتھ میں کس حد تک کمی آئی ہے۔ ہیپاٹائٹس بی اور سی کا اگر وقت ہر علاج نا کیا جائے تو یہ دونوں جگر کا کینسر (hcc) کرتے ہیں، جس میں پچھلے کچھ سالوں سے شدید اضافہ ہوا ہے۔
جگر کی بیماریوں کی تشخیص کے لیے سب سے اولین ٹیسٹ سکریننگ ٹیسٹ ہے، جو کہ ہر تین مہینے کے بعد ہونا چاہیے ۔جو کہ بدقسمتی سے نہیں ہو رہا۔ زرائع ابلاغ کی وجہ سے عوام کو آگاہی تو حاصل ہے، لیکن اس میں ابھی بھی بہت کام کرنا باقی ہے۔
ایک بات یاد رہے کہ، ہیپاٹائٹس B& C جس طریقے سے پھیلتا ہے، جان لیوا مرض ایڈز (AIDS) بھی تقریباً اسی طریقے سے پھیلتا ہے ۔ اگر سکریننگ ٹیسٹ کو عام کیا جائے تو ہیپاٹائٹس کے ساتھ ساتھ جنسی بیماریوں (sexually transmitted diseases) کی بھی کافی حد تک تشخیص ہو سکتی ہے، اور یہ جو نتائج حاصل ہوں گے، وہ ہرگز حوصلہ افزا نہیں ہوں گے۔
جگر کی بیماریوں کے سامنے کیسے پل باندھا جائے، اس کے متعلق کسی کو کچھ پتا نہیں ۔ حکومت سرکاری ہسپتالوں میں ہیپاٹائٹس کلینکس کے نام پر دوائی تو دے رہی، لیکن بیماری کو کیسے روکا جائے اس بابت مکمل خاموشی ہے۔