Type to search

بین الاقوامی خبریں کھیل

بھارت بمقابلہ بنگلہ دیش: ٹی ٹوئنٹی میچ کے دوران دو کھلاڑیوں کی حالت غیر

  • 5
    Shares

بنگلہ دیش اور بھارت کے مابین کھیلے گئے پہلے ٹی ٹوئنٹی میچ کے دوران دو بنگلہ دیشی کھلاڑیوں کی حالت غیر ہو گئی تھی۔

کرک انفو کی رپورٹ کے مطابق پہلے ٹی ٹوئنٹی میچ کے دوران سموگ کی وجہ سے بنگلہ دیش کے سومیہ سرکار اور ایک اور کھلاڑی کی حالت غیر ہو گئی اور انہیں الٹیاں بھی ہوئیں۔

کھلاڑیوں کی طبیعت خراب ہونے کی وجہ نئی دلی کی فضائی آلودگی تھی۔

بی سی سی آئی کے سربراہ ساروو گنگولی کا اس حوالے سے کہنا تھا کہ میچ سے دو تین روز قبل ہم نے مقامی انتظامیہ سے بات کی تو ان کا کہنا تھا کہ یہاں میچ ہو سکتا ہے، ہم آخری لمحات میں میچ منسوخ نہیں کر سکتے تھے۔

ان کا کہنا تھا کہ دیوالی کے بعد اور سردیوں کے آمد کے ساتھ شمالی علاقوں میں صورتحال تھوڑی مشکل ہوتی ہے، ہم آئندہ ان علاقوں میں میچ شیڈول کرتے ہوئے احتیاط سے کام لیں گے۔

دوسری جانب کرکٹ شائقین بھارتی کرکٹ بورڈ کی جانب سے فضائی آلودگی اور دیوالی کے فوری بعد نئی دلی میں میچ رکھنے کے فیصلے کو تنقید کا نشانہ بنا رہے ہیں۔

Tags:

You Might also Like

Leave a Comment

Your email address will not be published. Required fields are marked *