Type to search

انصاف خبریں قومی

“کلبھوشن یادیو کو اپیل کا حق دینے کے لئے آرمی ایکٹ میں ترمیم کی خبریں غلط ہیں”

پاک فوج کے ترجمان میجر جنرل آصف غفور نے کہا ہے کہ سزا یافتہ بھارتی دہشت گرد کلبھوشن یادیو کے حوالے سے عالمی عدالت انصاف کے فیصلہ کے اطلاق کے لیے آرمی ایکٹ میں ترامیم کی افواہیں بے بنیاد ہیں۔

پاک فوج کے شعبہ تعلقات عامہ کے سربراہ میجر جنرل آصف غفور نے اپنے ٹویٹ میں کہا کہ کلبھوشن یادیو کے حوالے سے عالمی عدالت انصاف کے فیصلہ سے متعلق آرمی ایکٹ میں ترمیم کی افواہیں بے بنیاد اور غلط ہیں۔ تاہم، آئی سی جے فیصلہ کے مختلف قانونی پہلوؤں پر غور کیا جا رہا ہے۔

انہوں نے کہا کہ اس معاملہ پر حتمی فیصلہ سے مقررہ وقت پر آگاہ کیا جائے گا۔

واضح رہے کہ میڈیا میں بھارتی جاسوس کلبھوشن یادیو کو اپیل کا حق دینے کے لئے آرمی ایکٹ میں ترمیم کی خبریں زیر گردش تھیں۔

دعویٰ کیا جا رہا تھا کہ پاکستان میں دہشتگردی کی کارروائیوں میں ملوث بھارتی جاسوس کلبھوشن یادیو کو اپیل کا حق دینے کے لئے آرمی ایکٹ میں ترمیم کا فیصلہ کیا گیا ہے۔

Tags:

You Might also Like

Leave a Comment

Your email address will not be published. Required fields are marked *