گلگت بلتستان میں احتجاج، چار سرکاری گاڑیاں اور ایک سرکاری دفتر نذرِ آتش

سوموار کے پرتشدد مظاہرے اس وقت شروع ہوئے جب صبح سویرے الیکشن کمیشن کے دفتر میں چیف الیکشن کمشنر اور سیاسی جماعتوں کے کارکنوں کے درمیان حلقہ جی بی اے ٹو گلگت پر تلخ کلامی ہوئی جس کے بعد سیاسی جماعتوں کے کارکنوں جن میں زیادہ تعداد پاکستان پیپلز پارٹی اور مسلم لیگ نواز سے تعلق رکھتے تھے نے الیکشن کمیشن کے سامنے احتجاجی مظاہرہ کیا۔ اس کے بعد پولیس کی جانب سے ہوائی فائرنگ اور آنسو گیس کا استعمال کیا گیا اور مظاہرین منتشر ہو گئے مگر بعد میں سرکاری گاڑیاں اور دفاتر نذرآتش کیے گئے۔