ان خیالات کا اظہار انہوں نے اپنی تعیناتی کے بعد ذمہ داریاں سنبھالتے ہوئے پہلی میڈیا بریفنگ میں کیا جب صحافی نے ان سے سوال پوچھا کہ کیا اپوزیشن کو پی ٹی وی پر ٹائم ملے گا جس پر انہوں نے دو ٹوک الفاظ میں جواب دیا کہ یہ کوئی پرائیویٹ ادارہ نہیں بلکہ سرکاری ادارہ ہے اس لئے یہاں صرف حکومت کو ہی ٹائم ملے گا۔
خیال رہے کہ نعیم بخاری کو کل ہی پی ٹی وی کا چئیرمین مقرر کیا گیا ہے۔ نعیم بخاری وزیراعظم عمران خان کے دوست ہیں اور تحریک انصاف سے منسلک رہے ہیں۔ علاوہ ازیں تحریک انصاف کی طرف سے سابق وزیر اعظم نواز شریف کے خلاف مقدمات میں پیش بھی ہو چکے ہیں۔
یاد رہے کہ پی ٹی وی کی جانبدرانہ کوریج اور اپوزیشن کو مساویانہ وقت نہ دینے کے خلاف حال ہی میں سینئر ٹی وی اینکر اویس توحید نے استعفی دیا تھا۔ اویس توحید نے کہا تھا کہ وہ سرکاری ٹی وی کی جانبدارانہ صحافت اور اپوزیشن کے نقطہ نظر کو نظر انداز کرنے کی وجہ سے پی ٹی وی سے دستبردار ہو رہے ہیں