Type to search

خبریں سیاست فيچرڈ

نظام کے ذمہ دارصرف سیاستدان نہیں سب ہیں، فیصل واوڈا

  • 80
    Shares

وفاقی وزیر فیصل واوڈا نے کہا ہے کہ امریکا میں نوازشریف اور پھر مریم نواز جائیں گی لیکن ہم انہیں جانے نہیں دیں گے، ن لیگ دور میں800لوگ جیلوں میں دوائیاں نہ ملنے پکے باعث مرگئے۔

ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے گفتگو کرتے ہوئے کیا۔

فیصل واوڈا نے کہا کہ نوازشریف کے کیس میں22کروڑ عوام کو الجھن میں رکھا گیا، عوام کو سوشل میڈیا کے ذریعے پتہ چل گیا کہ کیا کھیل کھیلا جارہا تھا، ہم کھلاڑی نہیں بنیں گے نہ بننا چاہتے ہیں، ہم وہ چینی پرزہ نہیں بنیں گے جو بنانے کی کوشش کی گئی۔

انہوں نے کہا کہ نوازشر یف کے جانے کا ایک فیس ٹو بھی ہے، مریم نواز کے لیے بھی ماحول بنایا جائے گا جو ہم نہیں ہونے دیں گے، امریکا میں نوازشریف اور پھر مریم نواز جائیں گی لیکن ہم انہیں جانے نہیں دیں گے۔ ایک سزا یافتہ مجرم کو ملک سے باہر جانے دیا گیا اور میڈیا نے بھی22کروڑ عوام کو نواز شریف کے معاملے میں مصروف رکھا۔

وفاقی وزیر کا کہنا تھاکہ ہم چائنہ کا وہ پرزہ نہیں بننا چاہتے جو اقتدار کی سائیکل پر لگے تو وہ چل پڑے، گدھا گاڑی پر لگے تو وہ چل پڑے،  گاڑی پر لگے تو وہ چل پڑے، ہم نظام کو بدلنے آئے ہیں۔

ان کا کہنا تھا کہ پاکستان میں اب تجربے بند ہونے چاہیں، نظام کے سارے بینیفشریز کو اپنی حدود میں رہنا ہوگا، اب شطرنج کی بازی میں ہم بھی اپنی چال چلیں گے۔ کرپشن کےسسٹم کے بینیفشریز سارے ہیں۔

فیصل واوڈا کا کہنا تھا کہ جس جج کی خفیہ ویڈیو بنائی گئی انہیں عدالت سے الگ کردیا گیا، جب حمزہ شہباز عدالت میں جج سے الجھتے ہیں تو کیا توہین عدالت نہیں ہوتی؟ ماڈل ٹاؤن میں خواتین پرگولیاں چلائی گئیں کوئی کیس نہیں ہوا، اب اس ملک میں ڈرامے بازی نہیں چلے گی جو 72سال سے اس ملک میں چل رہی ہے۔

انہوں نے کہا کہ اقتدار کا بینفشری موجودہ نظام ہے جسے ٹھیک کرنا ہوگا، عدل کے نظام میں امیر کو چھوڑ دو تو وہ معاشرہ تباہ ہوجاتا ہے، اس نظام کے ذمہ دارصرف سیاستدان نہیں سب ہیں۔

وفاقی وزیر نے کہا کہ ن لیگ دورمیں800لوگ جیلوں میں دوائیاں نہ ملنے پر مرگئے، نظام آپ کے سامنے بالکل عریاں ہوکر کھڑا ہے اسے ڈھکنا ہوگا، اسی نظام کے تحت یہ کہتے ہیں ہم شریف برادران ہیں اور جارہے ہیں۔

ایک سوال کے جواب میں ان کا مزید کہنا تھا کہ ہم حکومت بھی چلائیں گے اور5سال بھی پورے کریں گے، ہمیں لگتا ہے کہ آئندہ5سال کی حکومت بھی ہماری ہی ہوگی، یہ1992کے ورلڈ کپ کی صورتحال ہے، لوگ پاکستان ٹیم کو کہہ رہے تھے نہیں جیتے گی اور دنیا نے دیکھا کہ پھر بھی ہم جیتے۔

Tags:

You Might also Like

Leave a Comment

Your email address will not be published. Required fields are marked *