پاکستان میں کام کرنے والی رفاحی اداروں کی تنظیم پاکستان ہیومینٹیرین فورم ( پی ایچ ایف) نے کہا کہ ملک میں قدرتی آفات یا ہنگامی صورت حال سے نمٹنے کے دوران قومی اور بین الاقوامی میڈیا کے اہم کردار کو سراہتے ہیں۔
کراچی پریس کلب میں ہونے والی میڈیا بریفنگ کے دوران پی ایچ ایف چیف سید شاہد کاظمی اور ایگزیکٹو کمیٹی کے سربراہ عادل شیراز نے قومی ترقی اور انسانی امداد کے ردعمل میں بین الاقوامی رفاحی تنظیموں کی اہمیت پر زور دیا۔
پی ایچ ایف کی ایگزیکٹو کمیٹی کے سربراہ عادل شیراز نے پریس کا نفرنس کے دوران کہا کہ 2022 کے تباہ کن سیلاب نے پاکستان کے متاثرہ علاقوں میں دیرپا اثرات چھوڑے ہیں جس کے لیے متاثرہ علاقوں میں وسیع پیمانے پر بحالی اور تعمیرنو کی ضرورت ہے۔ سیلاب سے متاثرہ علاقوں کی تعمیر نو اور بحالی کا سفر اجتماعی کوششوں اور پائیداری کا متقاضی ہے۔
چیئرمین سینیٹ نے پی ایچ ایف کی ایگزیکٹو کمیٹی سے تین معزز اراکین کو پارلیمانی کاکس برائے تعلیم میں نمائندگی کے لئے نامزد کیا ہے۔
عادل شیرازنے کہا کہ سیلاب سے متاثرہ کمیونیٹیز کی مکمل بحالی کا راستہ ایک پیچیدہ کوشش ہے جس کے لئے نا صرف فوری اقدامات کی ضرورت ہے بلکہ طویل مدتی حل کے لئے مستقل عزم کی بھی ضرورت ہے۔
انہوں نے مزید کہا کہ 2022 میں پی ایچ ایف کی رکن تنظیموں نے پورے پاکستان میں 400 منصوبوں پرعمل در آمد کیا، بشمول آزاد جموں و کشمیر اورگلگت بلتستان۔ ان منصوبوں میں 296 ایسے اقدامات شامل تھے جو انسانی امداد فراہم کرنے (INGOs) کے لیے وقف تھے، خاص طورپر 2022 کے سیلاب کے جواب میں، اور 104 ترقیاتی کاوشوں پر مرکوز تھے۔ 330 ملین ڈالرسے زیادہ مالیت کے ان اقدامات سے ملک بھرمیں 21.2 ملین سےزیادہ افراد مستفید ہوئے۔
عادل شیرازنے کہا کہ حکومتی تعاون اور مدد پر تفصیلات فراہم کرتے ہوئے انہوں نے کہا کہ حکومت اور سول سوسائٹی کے درمیان شراکت داری کامیابی کے پل کے طور پرابھرتی ہے، ایک پائیدار اور خوشحال پاکستان کے (4RF) (بین اقوامی فلاحی تنظیمیں) کے ساتھ قدرتی آفات کے خطرے میں کمی، پائیدار بھائی، اور تعمیر نو INGOS لیے کمیونٹیز کو متحد کرتی ہے۔ حکومت پاکستان تمام سٹیک ہولڈرزبشمول ماڈل کے نفاذ کے لیے مکمل طور پر پر عزم ہے۔ جو سیلاب سے متاثرہ علاقوں کی تعمیرنو اور بحالی کے لیے ایک سٹریٹجک فریم ورک ہے۔ انہوں نے کہا کہ یہ ماڈل، لوکلائزیشن اورموافقت کے ایکشن پلان کے ساتھ ، پائیدار بحالی کے حصول کے لیے ایک روڈ میپ فراہم کرتا ہے۔
عادل شیرازنے ے حکومتی اداروں، مقامی کمیونٹیز، ضلعی انتظامیہ ، سول سوسائٹی کی تنظیموں، اوربین الا قوامی غیر سرکاری کے درمیان تعاون پر زور دیتے ہوئے کہا کہ اجتماعی کوششوں کے ناگزیرکردار پرروشنی ڈالی۔ وسائل کی موثر تقسیم اور حکمت عملیوں کے موثر نفاذ کو یقینی بنانے کے لیے (INGOs) تنظیموں ان شراکتوں کو مضبوط بنانا بہت ضروری ہے۔
اس موقع پر پی ایچ ایف کے کنٹری کوآرڈینیٹرسید شاہد کا ظمی نے بتایا کہ پی ایچ ایف 44 غیر سرکاری تنظیموں کا نمائندہ فورم ہے جو حکومت پاکستان کے ساتھ رجسٹر ڈ ہیں۔
شاہد کاظمی نے ایک فورم کے طور پر پی ایچ ایف کے کردار پر زور دیتے ہوئے کہا کہ پی ایچ ایف حکومت، اقوام متحدہ کی ایجنسیوں، انسانی ہمدردی کے سٹیک ہولڈرز، سول سوسائٹی کی تنظیموں اور میڈیا کے ساتھ روابط میں ہے۔
انہوں نے مزید کہا کہ ملک میں قدرتی آفات یا ہنگامی صورت حال سے نمٹنے کے دوران قومی اور بین الاقوامی میڈیا کے اہم کردار کو سراہا۔ میڈیا کے غیر متزلزل رد عمل نے ملک کے مشکل ترین وقت میں معلومات، اتحاد اورمدد کی امید کا کام کیا ہے۔میڈیا کی تیزرفتار کوریج، معلومات کی موثر ترسیل اور شعور پیدا کرنے کی کوششیں اس کے روایتی کردار سے ہٹ کر قوم کو بحرانوں کا اجتماعی طورپرجواب دینے کے لیے ایک اہم عمل انگیز کے طور پر ابھرتی ہیں۔
شاہد کا ظمی کا کہنا تھا کہ امدادی کارروائیوں کو تیزکرنے اورپائیداری کے جذبے کو فروغ دینے سے ،میڈیا کا اثر ورسوخ جغرافیائی اور ثقافتی حدود سے تجاوز کرتے ہوئے بہت دور تک پھیلا ہوا ہے۔
پی ایچ ایف کے کنٹری کو آرڈینیٹر نے یہ بھی بتایا کہ سینیٹ کے چیئر مین نے پی ایچ ایف کی ایگزیکٹو کمیٹی برائے ایجو کیشن پارلیمنٹرین کا کس سے تین معزز اراکین کو نامزد کیا ہے۔خاص طور پر موسمیاتی تبدیلی اور آفات کے خطرے میں کمی پر توجہ مرکوز کرتے ہوئے حکومتی سطح پر یہ تسلیم پی ایچ ایف کی رکن تنظیموں کے قومی ترقی اورانسانی ہمدردی کے رد عمل میں کردار کو مزید اجاگر کرتا۔