Type to search

خبریں سیاست

پانامہ کیس جے آئی ٹی کے سربراہ واجد ضیا ڈی جی ایف آئی اے تعینات

پانامہ کیس میں تحقیقات کے لیے بننے والی جوائنٹ انوسٹی گیشن ٹیم (جے آئی ٹی) کی سربراہی کرنے والے سینئر پولیس افسر واجد ضیا کو ڈائریکٹر جنرل (ڈی جی) فیڈرل انوسٹی گیشن ایجنسی (ایف آئی اے) نامزد کردیا گیا ہے۔

 آئی جی ریلوے پولیس کی حیثیت سے خدمات سر انجام دینے والے واجد ضیا کی تقرری عمل میں آگئی ہے۔ ان سے قبل ڈی جی ایف آئی اے کی حیثیت سے سینئر پولیس افسر بشیر میمن خدمات انجام دے رہے تھے۔

واجد ضیا نے جس وقت جے آئی ٹی کی سربراہی کی تھی اس وقت وہ ایف آئی اے میں خدمات سرانجام دے رہے تھے۔ ذرائع  کے مطابق اعلیٰ ترین سطح پر مزید تبدیلیاں بھی کی گئی ہیں۔ ان تبدیلیوں کے تحت ایڈیشنل سیکریٹری وزیراعظم آفس محمد علی شہزادہ کو اسپیشل سیکریٹری اسٹیبلشمنٹ مقرر کردیا گیا ہے۔

سیکریٹری اقتصادی امورنوراحمد کواسٹیبلشمنٹ ڈویژن رپورٹ کر نے کی ہدایت کی گئی ہے۔ ایڈیشنل سیکریٹری انفارمیشن ٹیکنالوجی جواد پال کو ایڈیشنل سیکریٹری وزیراعظم آفس مقرر کر دیا گیا ہے۔

ذرائع کے مطابق ڈی آئی جی ڈاکٹرمعین مسعود کواسٹیبلشمنٹ ڈویژن اسلام آباد رپورٹ کرنےکی ہدایت کی گئی ہے۔

Tags:

You Might also Like

Leave a Comment

Your email address will not be published. Required fields are marked *