Type to search

انٹرٹینمنٹ انٹرٹینمنٹ خبریں

جنید جمشید تین برس بعد بھی مداحوں کے دلوں میں زندہ

  • 12
    Shares

جنید جمشید کو مداحوں سے بچھڑے تین برس بیت گئے۔ جنید جمشید یونیورسٹی آف انجینئرنگ اینڈ ٹیکنالوجی لاہور کے فارغ التحصیل تھے، انہوں نے  پاپ موسیقی گروپ وائٹل سائنز کے نمائندہ گلوکار کی حیثیت سے کریئر کا آغاز کیا اور شہرت حاصل کی۔

1987 میں دل دل پاکستان کی ریلیز نے انہیں شہرت کی لازوال بلندیوں پر پہنچا دیا، 14 اگست کے موقع پر ریلیز کئے گئے گانے نے ملی نغموں کو نئی شناخت بخش دی۔

انہوں نے وائٹل سائن نامی بینڈ کے ساتھ گلوکاری کی— اسکرین شاٹ / یوٹیوب

ان کے میوزک البم جنید آف وائٹل سائنز، اس راہ پر اور دل کی بات بے پناہ مقبول ہوئے۔

معروف مبلغ و اسکالر مولانا طارق جمیل کے ساتھ  ملاقات کے بعد جنید جمشید کا رحجان مذہب کی طرف ہوا تو انہوں نے موسیقی کو خیرباد کہہ دیا۔

جنید جمشید 2004 میں مذہب کی جانب راغب ہوئے—فائل فوٹو: فیس بک

نئی پہچان میں انہیں معروف تاجر، نعت خواں، اسکالر اور ٹی وی میزبان کے روپ میں دیکھا گیا۔ ان کے کپڑوں کے برانڈ جے ڈاٹ کی شاخیں پورے ملک میں موجود ہیں۔

دل دل پاکستان اور سانولی سلونی ان کے سب سے مقبول گیت ہیں—اسکرین شاٹ/ یوٹیوب

جنید جمشید سات دسمبر 2016ء کو چترال سےاسلام آباد  پی آئی اے فلائیٹ 661  کے  حادثے میں وفات پا گئے۔

واضح رہے کہ پی آئی کی چترال سے اسلام آباد جانے والی پرواز حویلیاں کے قریب گر کر تباہ ہوگئی تھی جس میں عملے کے پانچ ارکان سمیت تمام 47 افراد ہلاک ہوگئے تھے۔

 

جنید جمشید کے صدا بہار گانے

 

1۔دل دل پاکستان 

2۔ تم دور تھے

3۔ نہ تو آئے گی

4۔ مولا

5۔اعتبار

6۔ سانولی سلونی

7۔ اس راہ پر

8۔ تمہارا اور میرا نام

9۔ آنکھوں کو آنکھوں نے

10۔ وہ کون تھی؟ 

Tags:

Leave a Comment

Your email address will not be published. Required fields are marked *