Type to search

حادثہ خبریں قومی

کراچی چڑیا گھر میں شیر نے ملازم کو بری طرح زخمی کر دیا

  • 3
    Shares

کراچی کے چڑیا گھر میں گذشتہ روز زو کیپر کو ببر شیر نے دبوچ لیا، شیر کے حملے میں زو کیپر شدید زخمی ہو گیا۔ میئر کراچی وسیم اختر نے واقعہ کی تحقیقات کا حکم دے دیا جبکہ ڈائریکٹر سفاری نے زو کیپر کو ہی مورد الزام ٹھہرا دیا۔

تفصیلات کے مطابق گذشتہ روز کراچی کے چڑیا گھر میں شیر نے ملازم پر حملہ کر دیا تھا، حملے میں زخمی ملازم کننو پیر دتہ کو سول ہسپتال ٹراما سینٹر منتقل کیا گیا تھا۔ حملے کی ویڈیو میں دیکھا جا سکتا ہے کہ چڑیا گھر کے ملازم 50 سالہ کننو پیر دتہ کے بازو کو شیر نے دبوچ رکھا ہے۔ خوش قسمتی سے ملازم کا ہاتھ ضائع ہونے سے بچ گیا۔

 

ڈائریکٹر چڑیا گھر کنور ایوب کا کہنا ہے کہ کننو کا کام جانوروں کا خیال رکھنا، اُن کے پنجروں کو صفائی ستھرائی کرنا ہے۔ گذشتہ روز اس نے قواعد و ضوابط کی خلاف ورزی کی اور شیر کے قریب سامنے سے گیا جبکہ ایسا کبھی بھی نہیں ہوتا۔

انہوں نے بتایا کہ ملازم کی ہڈی بچ گئی ہے البتہ گوشت اور پٹھے پھٹ جانے سے خون بہت زیادہ بہہ گیا ہے۔

دوسری جانب میئر کراچی وسیم اختر نے واقعہ کا نوٹس لیتے ہوئے تحقیقات کا حکم جاری کیا ہے۔

زخمی ملازم کے قریبی ساتھیوں کا کہنا ہے کہ کننو پیر دتہ نے اپنی بیوی کو باور کرانے کے لیے شیر کو ہاتھ لگایا کیونکہ وہ اپنی اہلیہ کو ثابت کرنا چاہتا تھا کہ میں بزدل نہیں بلکہ بہادر انسان ہوں۔

Tags:

You Might also Like

Leave a Comment

Your email address will not be published. Required fields are marked *